因為前日上進on call,所以噚日中午就可以放工喇!平時佢都唔會話返去睇下個進度,不過暫時嚟講,個上泥師傅真係令我地對佢失晒信心,所以上進都要返去望一望先!
返到都一樣係只得一個水泥師傅開工,而我們家的墨斗已經彈好喇!上進噚日影左幅牆既相,再望清楚後再打俾J君,J君話會係本身只用英泥封既地方,塗厚D既防水料,咁就唔會滲水,不過,上進都要求J君叫師傅整走已經批左既地方,重新再封過,不過J君話有D難度,要再研究下先喎!
佢咁講即係唔會整啦!佢話用個D防水野就無事…實係咁講架,唔通同你講:用左個D防水野會好D,不過都唔肯定會唔會滲水架…咁咩!
唉!因為呢件事,小嘉真係唔開心到發癲呀!!本身成間屋既結構係好perfect架,呢家感覺係有個人將成件完美既藝術品整壞晒,實在真係再信唔過呢班人(雖然其實可能係好小事…但係D人做野好唔好就係從呢D細微處去睇清楚嘛!)
而呢件事亦令小嘉處於慚愧與嫉妒之間,因為初初以為P弟家都有一幅牆封了,點知原來只有我們家是這樣,其實係應該感恩,起碼只係一間屋出問題,但心裡有間唔中唔知點咁,好似想人地陪埋出事…跟住又好慚愧,唔應該有呢個諗法…呀!!!求天父帶領,我唔要跟錯魔鬼既腳步呀!!!
我決定改J君名做壞人J(其實我連佢個人都未見過),壞人J噚日同上進講,今日佢會去地盤到望清楚D墨斗彈得準唔準,會度返D門呀,牆位咁,然後再對返D圖則,如果無問題就會開始開工,都唔知仲要等多幾多日,但係叫上進問佢點解得一個水泥師傅係度做批蕩,佢又唔記得問…朋友,兩間屋得一個師傅做野(仲要做錯野),想快都難啦!真係想問壞人J,如果佢只係接一間屋既工程,咁係咪會斬開個人一半咁搵半個師傅嚟開工呢…正常都一間屋一個師傅啦(一間一個已經係唔夠人)!點會兩間屋一個師傅架...
初初以為間屋既外形搞掂就放心晒…原來呢家先係開始呀!!天父呀!!求你教我怎樣以平安喜樂既心去面對,我唔想成日都發癲發脾氣呀!!求天父賜智慧.
沒有留言:
張貼留言