激死喇!!頭先打左成篇blog…無左…再嚟過!!!
我地一行三人..包括小嘉,珍妮同子子先去左西九龍中心食KFC,好抵呀!!第一次買桶餐…三個人食唔晒都係$89!!
食完lunch先去鐵皮檔看看,不過…多數既布都係濶封,而小嘉因為家裡的窗都很大,要買90吋以上,所以…很快走…其間係潘太的檔看到幾靚既紗布,不過都係太窄封,所以要give up囉!
原來呢度叫欽洲街小販市場~
呢塊都幾靚...一過唔夠闊哎~
唔…講返點解要走勻深水埗嚟揀布呢…因為小嘉全家的窗簾都會叫珍妮handmade囉!一來可以慳返D$$,而二來最最緊要係…唔想係深圳做,因為怕佢地係D布上面踩嚟踩去,又怕錯size,又怕佢地調亂D布…總之好多好多怕啦!所以就有呢個尋布之旅喇!
之後開始去超多布店既街(我無留意街名啦),一路行逐間店入去看和問…發現…原來深水埗基本上沒有窗簾布的,很難才找到兩間店有106” 闊的布,還可以用來做窗簾,不過花紋是單面的,而且比較輕,小嘉怕做出來掛好後會飄飄下…所以珍妮都話應該要返深圳望望,因為呢度真係無咩款.不過感恩都俾我地搵到一間有好幾款既紗布可以做窗紗,價錢都OK既!
不過小嘉都拎左好多布sample,可以俾A小姐睇下D款,咁我地買布時都可以揀差不多色啦!
所有布版大晒冷~
呢D覺得花紋好似有D亂...不過難得有既闊封...
左手兩張一模一樣...但原來係兩間舖既版...明明一樣,價錢差十幾廿蚊一碼!
呢D都OK靚...不過比較薄...
左下角麻布幾特別...不過...要成$90一碼...唔會用lu~
呢D想用係小嘉間房...不過太窄封...呢家仍然努力尋找合適既窗簾...
可以做窗紗既布...都幾靚...
呢個其實唔夠寬封,不過可以當色版咁俾A小姐睇完再搵最接近顏色既布...
之後再行埋車仔檔都無咩布合適,心想都係要返深圳揀…諗住離開時,抬頭一望!!咦!!!有間細細地既店,佢個店門上面寫住…窗簾,窗紗…呢個係最後希望,直時入去望望!一入到去,就望到有一卷窗紗係度,都幾靚架!
於是即刻問老闆,有多D款睇…於是貌似老闆娘既太太拎左一本厚厚既布板俾我地睇…嘩!!超開心,佢D布板exactly係人地窗簾布個D一本本既samples,裡面有超多色呀!!!我地再問有無窗簾布,佢地都有呀!!!都OK多款,so far我地只係睇左兩大本厚厚既,已經有好多合心水既色,而佢地好似仲有 一兩 本,不過因為佢地呢D samples係唔拎得走,所以小嘉就唔睇其他住,等第日A小姐揀好色,一次過逐本逐本揀!!
而最開心係咩呢!!!就係...個價錢囉!!因為係深水埗其他舖問價錢,其實都唔係特別平…都要成$50-60 一碼,而窗紗好D,要$35左右 一碼!所以小嘉問呢間舖幾錢時,心裡面都諗住要多D…因為佢D料幾靚,而且係遮光布添~~點知…佢打開D samples最後個版...原來寫左價錢…我無睇左又無聽錯的話…窗簾布都係$30 一碼,而窗紗更加係$20 一碼…有成110” 闊喎!!!
可想而知,D窗簾舖公司係賺好多…我呢家大約計…全屋既窗有:10尺闊8尺高x3隻,7尺闊8尺高x3隻,6尺高5尺闊x1隻…咁計全屋既布都係$2000左右…超抵呀!!!仲要比我原先訂既budget平好多…超感恩中!!!!
最後終於俾我搵到有合適布既舖...相機好難影到...呢個紗有D閃閃架!!(係含蓄既閃閃唔係浮誇既閃閃!!)
其中一D花紋....
呢D係可以拎到既版...其實俾A小姐睇D花紋,咁買時盡量揀較接近既!
你係第
F
回覆刪除