繼續尋找我們的隔熱膜…噚日收到3M 既回覆,睇完個價錢,諗都唔使諗就要同佢say bye bye,講真,如果真係諗住用佢,我寧願俾多D,成屋再upgrade勁D既玻璃好過喇!
於是呢家叠埋心水,睇下llumar係點,send左兩封既e-mail都已經有回覆喇!llumar既總代理,只係俾左個電話小嘉,話可以打電話問返個詳情=.=
咁小嘉同上進決定直接去駱克道間認可分銷商睇睇好過,其實小嘉最Concern的是,總代理話如果搵認可分銷商安裝,就有10年有限既保養,最想知咩係有限既保養呢??今日落去問清楚先!因為我相信佢地個價錢應該會貴D,但係如果個有限保養同無保養無分別,咁我無理由咁天真又傻,唔搵間平D架!
而另外,一間話係CPFilms香港代理都回覆,佢都係無答我佢地係CPFilms旗下咩brand(唔通CPFilms自己都係一個品牌名???)佢就幾OK喎!一次過俾晒所有Sample既jpeg我睇,仲有埋連工包料既價錢添!最貴既都要$50/ft2,都幾貴下,不過就係最透明既色,而俾佢無咁透少少既就$39/ft2,都接受到既價錢…不過都係計清楚有幾多玻璃要貼!
但是個心裡面,暫時都係最想看看llumar既,而skylight又好似OK咁喎..因為係一個網見到有好多大型公司都係貼skylight,咁佢個價錢可能又係平少少…所以繼續研究研究先!
噚日返去睇,向西呢邊真係幾熱...尤其是長長呢條會係open kitchen位,如果唔貼隔熱膜,我諗我下午唔會想行埋去囉!
你...你....你係第 隻踩入嚟既貓腳! ivr
沒有留言:
張貼留言