係我地再問壞人J想點處置D洞洞之下,佢又想用佢既"專業"嚟封住我地,又話咩呢D無大問題,唔會有事...點樣點樣.但係你精上進都唔笨,佢都好清楚咁同壞人J講,我地好強烈希望佢會整走D英泥,換返D澎脹膠,但係壞人J就係聲音裡面表現出極不願意...
無法啦!咁既情況,上進要再向上一級出發,於是直接打俾D君,上進好醒呀!一開場就問佢D洞洞會點整(呢個其實我地之前一早問,呢家再問係要佢確定返個做法),咁D君都講有兩個做法...一.用D松木塞住D洞,二用澎脹膠封實...嗱!!!!呢兩個方法裡面無一樣係話就咁用英泥嚟封呀!!!
咁就OK喇!D君咁答完,上進就同佢講,我地幅牆D師傅只係用左英泥封,而且呢家乾左後已經有D洞明顯望到有條隙,而其他超大部分,乾左後收縮,出現返成個洞既圓形裂紋...
D君聽到我地咁樣講都好驚訝,佢仲超級無敵勁唔好意思咁say sorry.
上進於是問D君,如果剷走呢D英泥再填過有無問題,D君都話應該可以,佢話會同個裝修判頭傾吓.
到左夜晚,上進再打多次俾宇媽問下,點知佢地竟然話壞人J係黃昏六點幾時嚟過,不過佢打照面見到宇爸宇媽都唔打招呼,直行直過咁...睇怕佢應該係俾D君話過嚟!
講真,一開始合作就搞到有少少薑我都唔想,但係...我地俾晒機會,佢都唔見得點理睬我地,你問我驚唔驚佢嚟緊會做好多小動作,事實我真係驚,不過,感恩始終呢間公司應該係幾多工程under間承建商,佢應該點都唔會整衰自己個名,因為佢仲有好多合作要靠B君佢地,而B君又要under A小姐同F君...所以,相信quality都有佢地睇住...
不過,講真...因為小嘉同上進都對呢間裝修公司有D唔放心,所以嚟緊逢星期三我地寧願辛苦D,都由港島返去望下d進度,係宇媽度食埋晚飯先再出返港島.
願天父保守整個裝修過程,我們能做的不多,但我相信天父有當中的帶領...願天父賜我有平靜的心境,願天父給我智慧去與裝修的師傅們溝通,願天父讓我在這段時間有所學習,有所得著.阿們.
沒有留言:
張貼留言