因為之前同A小姐傾裝修時,表達過燈槽既射燈想用LED燈,但A小姐話會貴,但長遠計,其實用LED燈會慳好多,但一開始要俾既錢真係好大筆,所以我地就決定去曼佳美逛逛先再諗!
於是,星期五放左工,小嘉就約左上進係灣仔等,然後就一齊去曼佳美既專門店到睇睇喇!!去到行左個圈,見到LED好貴呀!
有個sales哥哥介紹,嘩!!!!一隻5W既LED射燈,呢家特價(其實只係送埋D框)都要$398一隻,咁貴…唔使諗啦!咁佢同場都有比較埋慳電膽既射燈,不過講真,效果好唔同,慳電膽D光係好柔和,一D都唔射燈囉!
可能個sales哥哥見我地個樣都知話貴,佢無啦啦走去一個櫃到,拎左隻射燈出嚟,話呢隻就好抵玩,$ 398兩隻,原來係4W既LED射燈,呢隻就真係正好多,佢係用晶片發光,佢真係成盞射燈咁款,而佢本身係真係用嚟取代射燈(即係MR16),所以要用12V變壓器先得!
但係小嘉都仲係煩緊要唔要12V呢種射燈呢?於是又上網搵資料,見到原來好多LED燈都出MR16款架!真係有平有貴,最後小嘉決定再比較下奧的亮同曼佳美呢兩個牌子,因為見網上面好似好多訪問都係奧的亮,又係香港公司,感覺好少少咁!
星期日完左崇拜,於是同上進係元朗不停搵,其實本身已經分別係兩間公司的website搵左元朗分銷商,本身打算去D水電舖問問,因為感覺D員工會清楚D同埋應該會平D,但係有D就星期日休息,有D直情摺埋,有間入到去問…直情九唔搭八,溝通唔到…咁唯有去燈舖啦!
唔好咁傻啦! led 全部係電子零件,根本出面一隻4w led 連架,係點都唔過$150.00
回覆刪除[版主回覆05/28/2011 16:34:00]Thx!不過我屋企裝修完喇! 我最後都無買呢隻要加火牛既LED射燈...我買左megaman第二D射燈...咁佢都係二百零蚊連埋架,而且D射既燈光同石英燈好似,所以都OK呀!