熱到CC下,終於係合益街市附近,搵到一間有奧的亮既LED燈,不過…佢無曼佳美,比較唔到,不過問到黃色3.5W既LED射燈,原價$1XX但剛剛做特價(應該係奧的亮自己做…有晒poster出咁!),而家$99一隻…咦!!OK平喎!不過佢就係有三盞LED燈仔係入面,唔係好射燈款…射出嚟D燈OK咁啦!
見到裡面有幾盞燈...個款算OK,不過...硬係覺得D光唔夠sharp咁!個型號叫super star!!!
去到第二間燈舖,相反就只有曼佳美,佢show左一隻款,係專門店反而無見到,不過個款又係麻麻地,好似有個膠蓋"笠"住盞燈咁,覺得好似好兒戲,佢都係4W,唔同之處佢係用光管腳,一問價錢…嘩!!!!!$680一盞!!!!!咁我不如買$398螺絲腳好過啦!人地5W都係$398咋!!!
繼續尋找之旅,去左教育路一間,原先都係唔抱咩希望,入到去…佢有齊曼佳美同奧的亮喎!!咦??!佢都有個隻$680既曼佳美LED燈,問下個價錢…$200一隻!吓!!!!!!!!有無問題呀!差一條街,個價錢差成三倍,好變態呀!呢個故事真係教左我,一定要格價呀!
既然有齊兩個牌子,當然要比較下啦!睇過後,奧的亮反而個外型靚仔D,燈光都OK…不過內心總係掛住曼佳美專間店睇中個盞…佢個外型真係靚仔好多,D燈射出嚟又好似靚好多咁!!
為左方便比較,我地問老闆拎曼佳美呢隻LED燈既cateloge,點知老細拎左成本booklet出嚟,話得一本唔可以俾我地,叫我地自己上網睇下.小嘉一路睇…噢!!我見到最初係專門店見到個盞呀!於是問老闆有無…佢話呢隻係MR16款,要用12V電壓(無錯無錯,我知我知!),老細話佢無現貨要訂,咁小嘉多口問如果買多D有無得平…於是老細打俾佢老婆(我估),問左價錢,原來有現貨…佢拎出嚟,一望個樣…真係靚仔好多…不過佢無得試,因為個包裝係封死既!不過佢有隻7W係度,一開…我就覺得呢D先係射燈囉!老細都話佢係跟足石英燈,所以可以話同射燈既效果一模一樣.
呢隻就係曼佳美...佢個外型真係做到石英燈咁款...係外面都見到裡面閃令令架!!!型號係ER0604-FL
最後,最緊要當然係個價錢啦!!老細話原價$199(唓!咁之前曼佳美所謂特價都呃人既!!不過努力尋找coupon中,如果有又用到就差好遠喇!),佢仲話呢家做緊九折,如果我真係買得多(20隻以上),就可以俾85折我!!咁計返即係唔使$170一隻!!!
GOOD呀!!!!!!!!!!!!!!!!!!!!!!!!!!!!不過,上進先生好欣賞奧的亮(其實佢最欣賞係個價錢),佢話唔覺D光唔同(因為個價錢已經遮敝左佢對眼>.<),所以......
最後結論,好似走廊,客廳假天花同睡房燈槽,會用曼佳美靚靚射燈,因為開唔開燈,呢D地方都會好易咁睇到盞燈既效果,而其他地方,好似廚櫃廁所等,就會用奧的亮喇!!不過呢家計嚟計去都係得十八隻(其他要奧的亮),不過遲D再去埋閂左門既水電公司,如果價錢無平到…都會試下叫燈舖俾85折先…我都有買20隻以上呀!不過唔同牌子夾埋買之嘛~
沒有留言:
張貼留言