婚禮第十二章の我們的花球 I

不知不覺,已經到左第十二章喇!!不過,仲有好幾項大題目都未講,今次先講講花球啦!!!

小嘉本身較鍾意既花係馬蹄蘭,不過見過用花蹄蘭做既花球,就唔係我喜歡的類型,於是,小嘉超努力咁去搵唔同的品種既花,玫瑰…本身唔鍾意,foul,太陽花…太colorful, foul, tulip 都好靚,不過好都硬係差少少,foul埋.呵呵呵!!最後我發現原來peony超靚,於是目標放左係牡丹花度喇!!!

係一路上網搵花店,花球款式等等既資料到,原來牡丹花球都唔平,閒閒地都過千,初初睇時覺得淡淡的粉紅色大牡丹好靚,但望下望下又覺得白色peony透出淡淡黃淡淡綠好清好靚呀!見過D價錢都千幾蚊,但真係好鍾意,於是繼續努力格價,希望搵到間又平又靚,D花又新鮮既!

係偶然機會下,同教會弟兄講開花球,佢地係08年九月結婚,而我同另一個姊妹就09年(佢十月我十二月啦),佢話佢幫襯個間好好,D花超新鮮而且仲好平添!原來間花店本身係做批發鮮花,所以最靚最好佢都會keep左黎用先!弟兄仲話,佢結婚時個花球,放左五日都未謝呀!
於是乎我地一行四人(已結婚弟兄夫婦同埋我地09年新娘)約埋一齊去間花店度睇喇!