My Lovely Home の Cooker hood - 已訂 Ariafina (03 July 2010)

之前已經決定左用富士皇既NL-900V,而係 七月一日 先,同珍妮一齊行街,醒起元朗都有家居樂的分店,於是諗住同珍妮去千色度望下咁啦!

去到,佢地都有show NL-900V出黎,小嘉即刻望下個價錢,唔…都仲係一樣無變,好驚加左價呀!

於是多口咁問個sales如果訂,最遲可以幾時送貨同安裝,原來訂左都可以hold半年,再望多幾望,於是就走喇!

返到屋企,打俾上進(佢要當值),同佢講元朗都有分店,而個價錢就仲未變,於是我地就諗緊好唔好落住訂先,因為怕遲D加價的話就唔抵啦!於是乎,我地就諗定一連串問題問個sales,而當中最緊要係…如果訂左而係真係尾數前做減價,有無得用平D個價錢!

係星期六,我地就再去個度睇,問清楚後,個sales話落左訂如果之後減價唔可以用返平D個價,不過…佢話唔會減價,因為而家已經減緊(so far…佢呢個減價都由4月到呢家啦!!個價錢都無變過=.=”).不過…我地落左訂後,到確定送貨前都可以轉款,可以睇到時情況再揀咩款都得(所以…小嘉心諗,如果到時真係減價,未再lur囉,大不了未轉款!)

於是,我地再細心咁去睇部機…點知!!!!小嘉一直都想將抽油煙機的煙囟都係外露,因為都OK靚啦!但上進話覺得部機好似好厚好大舊,要將個煙囟埋係廚櫃裡面…如果咁,使乜買呢部機呀!!!佢就係特別在條煙囟啦!

就係呢個情況下,上進再行過幾步去睇都係富士皇廠出,但係個外形design係意大利的Ariafina,佢地抽力係再勁D,鋼都係用兩層,咁又話係咩精鋼350(都唔知係乜),但價錢就唔只係貴D,係貴好多,係一輸比較再問Sales姐姐不同問題後…最後訂左Ariafina既BT900-V喇!不過,本身我地想訂白色,因為好似靚D,但係個sales打俾老闆話無貨,要等佢地再向日本廠拎貨先可能有.因為佢地落訂時要肯定有貨先得,所以我地就訂住部不鏽鋼色,如果白色有貨就再通知我地轉色.

其實我地都未confirm要咩色,因為我地個廚櫃都係白色,咁如果抽油煙機又白色…咁未好白囉…所以,不鏽鋼色都OK啦!

不過…咁又要用多好多錢喇!!!但今次唔關我事呀!係上進自己決定既,佢有錢,佢自己出啦!(不過,小嘉從來無諗過要自己出喎,呵呵呵!)

遠睇...係薄富士皇NL-900V少少咁啦!但上進話靚,OK啦!

遠返少少睇...

就係呢個牌子喇...其實...有無人識既呢???(我唔係諗住買富士皇,都唔識呢個牌子=.=")