呢兩日都在研究家裡的interior design,發覺有很多地方都會用上射燈,但豬mei突然一語驚醒夢中美人(這個美人當然是我啦…哇哈哈!!!),佢睇左最新的interior design既3D圖,就床上的燈槽有射燈,叫我唔好成日開,佢就係因為住親既酒店大部份都有呢個設計,佢初時唔知,諗住開左光D嚟睇書…於是…就係咁…塊面多左好多雀斑(人白係咁啦!我就無呢個問題喇!!!)
即刻醒起…係喎!用石英射燈會超熱喎!咁就算係咁開冷氣都會無用啦!於是上網搵資料,搵搵下,在曼佳美的網有做石英燈的比較:
| LED | 石英 |
w數 | 15 | 100 |
平均壽命(hours) | 30000 | 2000 |
30000小時候燈膽成本 | US$100 | US$105 |
30000小時候維修費用 | US$0 | US$140 |
30000小時總電費 | US$90 | US$600 |
30000小時燈膽的總耗費 | US$90 | US$845 |
總節省費用 | US$655 |
|
實在太驚人喇!!當然,我相信實際用未必會慳幾千蚊港幣,但一定比用石英慳唔少,而且唔使成手爬高爬低換燈膽添!而最最緊要係可以對環境傷害大大滅少嘛!
那麼,LED燈和慳電膽的比較又如何呢?唔…我估因為曼佳美還有慳電膽在賣,所以沒有比較,不過…在網上也看到一些意見,雖然LED燈比慳電膽貴好幾倍,但是慳電膽的壽命只有幾千小時,而且w數都比LED大一半左右,所以長遠計,亦都是LED win win喇!
總結,在這個情況下,小嘉和上進都決定家裡大部份射燈也會用LED(那些不會長開既飾櫃就再看情況決定啦),幸好,原先預買燈既錢又預鬆(因為初初諗住要買吊燈/天花燈…呢D只少都要二三百啦!),所以呢家都仲未out budget…thx God!!不過,希望做假天花唔會要好多錢啦!!
唔知…曼佳美好定係Philips好呢??
沒有留言:
張貼留言