婚禮第十二章の我們的花球@欣欣花店II

弟兄介紹既呢間花店,位於荃灣個名叫欣欣,我地去時個弟兄都叫約埋一齊,因為其實個邊係比較雜既地方,一齊去會安全D(講到好似好恐怖咁…其實係MTR附近o者)

一去到個度,老實講,小嘉有少少懷疑,因為間舖完全唔係花店咁款,佢係門前放一好少好少花,跟住就成間普通超舊式辦公室,即係一張寫字台,一張摺台咁啦!

我仲記得我去個日係 二月十四日 呢,其實老闆同老闆娘都話我地太早去喇(佢地叫杜生杜太啦!),不過,佢都有拎好多本相簿出黎,係佢地做過既花球同場地佈置!嘩!!呢D真係臥虎藏龍呀,唔睇過都唔知佢地做鮮花場地佈置超靚呀!佢地去過晒D五星級酒店佈置,用蘭花黎做…淨係個佈置都過五位數…我地都係睇下算喇!

跟住我地就坐定定咁問下花球問題,當然主要係另一個姊妹問先,因為佢十月就結婚嘛!但佢地傾到咁上下,我都問問我想要的花球,咁我都有帶埋我一D網上面搵到既花球相,不過杜生杜太話,牡丹會貴D同埋要睇到時當唔當造,最後,杜生杜太叫我地係結婚前一個早再去佢地間舖,咁到時就會知有咩花用得唔得喇!!!