唔唔…星期六那天跟B君傾過後,要update返少少先:
1. 間屋的木工(除了廚櫃外)和電燈等等,都是要additional charge的,因為合約沒有包哦!
2. 呵呵!原來B君一直都是打算用ICI的,只是我們不知啦!!所以…全屋用ICI金裝全效…噢!我有說過為何不揀Nippon嗎?好像沒有哦…事緣之前問了T師傅,因為佢唔係幫我地裝修,所以我相信佢個答案會中肯D(佢主要做structure同花園啦!),他告訴我用ICI好一點,其實佢都話Nippon既Quality會好一點點,但問題係…萬一將來想重油的話,ICI不一定要剷走舊的,但是用Nippon一定要剷走,因為Nippon本身膠質重和較”傑”,所以唔可以就咁係上面重油,一定要剷走先得…咁其實quality唔差太遠而又為將來著想,都係揀ICI啦!
3. 我都明明記得喇叭電線位係做左係天花度,佢係都唔信…呢 家B 君再講多次…係天花呀!!!!!!
4. B君會通知我地大約咩時間安裝video door phone,浴室寶同solar hart,不過要留意(尤其是solar hart)訂貨時間,如果over 2個月,而家就要開始訂喇!
5. 本身B君free我地用E3000燈制,但係移情別戀左去E8000度,B君仲猛我地點解,而且E3000仲貴過E8000,不過,有時感覺呢家野,係無得解釋,所以全屋既燈制都轉用E8000,由於襯牆都係用返白色…所以其他插蘇可以用返普通,唔使轉埋E8000,因為轉左都應該無咩人發現=.=
6. 廚櫃高度係900mm…呢個高度應該OK喇!我呢家住個度,高到我要吊住隻手嚟煮野食>.<
7. 因為一時多嘴(實情超開心),我們家都有了很多假天花和燈槽,正!不過…要俾多D$$囉!唔知市價係幾多呢??見人地連拆都係千零二千蚊,我地唔使拆,應該平D掛??
8. 原來包既所有冷氣都係最平個種…oh no!!!!所以要求全部要大金有inverter的型號,而其中睡房同廳要有埋冷暖添!不過又係個句…要加$$呀>.<
9. 最遲九月頭要覆最終要唔要安裝消防設備…不過thanks god,發現有D公司平好多,應該唔使兩萬可以搞掂!
嚟緊又有問題要問B君喇!不過佢成日都唔覆e-mail,最後都係要直接電話聯絡(因為佢成日唔係公司,check 唔到e-mail啦!人地一早話有咩事打電話俾佢,係上進驚恐阻住人咁,點都要send e-mail,要等到無可再等時先會打電話,哼~
沒有留言:
張貼留言