星期六那天,預了好多問題問B君,其中是關於燈的.其實小嘉同上進都打算係香港買,因為感覺好似安全D,而係深圳買就怕無左水線同電壓唔合適而唔安全.不過,又發現唔係水晶燈的話,深圳同款又真係會平好多(如果買水晶燈,就一定香港買...閃好多!)
不過問過B君,佢話原來燈本來就係無水線,所以係無問題,而買既時候要留意盞燈既電壓係未220V,如果係,其實係香港買個D同深圳無分別,因為都係同一個出處咁!
但另一個要concern既係,上進可能要拎假咁上去,仲可能唔係一次半次,而係好多次,咁計返…佢請假人工都多過慳埋個D啦!不過…F君有個工作室係深圳,佢話可以叫佢個職員sort out好晒合適既燈款,咁我地再係呢D燈裡面揀…呢個提意非常好啦!!咁樣真係慳好多時間之餘,仲唔怕揀左既款唔match個design…
不過…另一個最大既問題係…運輸,雖然呢家個interior desing改左D,要買既燈少左,但少極個數量都係唔細,聽過話D燈運到落黎會爛,係就煩啦!
不過好似話,呢家有D舖可以深圳訂左貨,係香港提貨,如果係就very good喇!我只要安排車係香港車返屋企就得喇!不過都係問清楚先…如果運輸真係煩…都可能返香港買lu!
我哋上次買咗三十盞燈,都要around 8千蚊人仔呀好似, 不過我哋就唔駛俾運輸費,同埋有爛我師父都會幫我哋換番...
回覆刪除我諗如果你在hk 買咁多燈, 應該要預起碼一個double到既價錢~ 不過就安全安心d同埋方便d~
或者toilet and 廚房如果你係用裝在假天花的筒燈的話,可以返大陸買都得,自己拉個車拉出黎都可以,因為size好細~ 同埋d 樓梯壁燈哩d 細size的都可以在大陸自己買吖~ 我簡的樓梯燈, 在元朗賣$480, 我在大陸買110人仔咋, 實在係差大遠~ 所以你可以諗諗, 細盞的咪自己返上去買, 大盞的房燈and 水晶燈就在hk 訂la~
[版主回覆07/26/2010 17:03:00]我就係見你話同一款燈,大陸買平超多,所以心郁郁,不過最大問題真係運輸個part...睇下有無公司可以香港提貨.
有假天花個D燈,應該裝修時承建商包埋,佢都係用大陸燈,佢計返錢算,佢都有提過唔係太貴.
我問下會唔會有D運輸信得過,如果有就唔使煩喇!