婚禮第十章の我們的晚裝I

講小嘉婚宴當日著的晚裝前,先講講之前影婚紗照的晚裝啦!

小嘉一直對婚禮物資係邊樹買,完全無概念,但係yarei就好清楚(因為佢D朋友成日都搵佢幫忙,佢D朋友搵佢姊妹時差不多要佢做埋婚禮統籌,好使好用!!哇哈哈!),經過佢多次的經驗,原來廣州有一條婚紗街,可以用超平價買到好多婚禮用品…仲包抱婚紗及晚裝添!!!

呢篇就主要講下買晚裝的經過啦!

首先我地一行四人(即係去日本影相的四人…因為我們買晚裝時想問問terry的意見,看看影相出來的效果會如何!),預了兩日一夜的時間係廣州.第一日,我地去到廣州都中午,先食個lunch,就開始周圍走走,其實係條大馬路的兩旁已有好多間大大小小,平價貴價的婚紗店,但yarei先帶我地去大街隔離的平房區…其實呢度外貌睇落去就似香港D木屋區咁,不過,嘩!!!原來差不多每家每戶都係度賣婚紗晚裝…我地於是一間行完又一間,不過講真,D質素就真係差少少…經過我地行左幾個鐘,先終於俾我地搵到一件好OK既衫,哈哈哈!!盛惠人民幣…280蚊咋!!!

            

就係呢件喇!!!因為結婚個日唔會著,所以又成為我細妹做伴娘時,教堂著的衫喇!!!

 

我地行完D平房區,就真係再揀唔落其他衫(其實係唔合我心水,佢地D款…其實係香港一D婚紗店都會見到…不過D款,真係好似登台咁,超sharp既顏色),我地行返去大街度…係平房區,D晚裝的價錢大約係$280左右的人民幣,至於係呢D大馬路,就唔同喇!!我地行左個圈,都有兩件覺得唔錯,都係人民幣$650-680左右,不過我地唔急住...

我地行完呢條婚紗街,就轉戰左去另一個地區(對我黎講,好亂,因為唔熟路,只係知要搭地鐵咁啦!!!),我地好左一個mall度,嘩!!呢度D晚裝就靚好多,不過價錢…都好貴,要成千幾二千蚊一件…我覺得唔抵囉…所以得過睇字喇!!!

去到第二日,我地就決定買埋個兩件晚裝,其中一件金色都幾靚架,不過真係著住影相時,影到有D肥,所以無帶去日本著,而另一件灰色就好靚,所以又成為伴娘晚宴時的晚裝喇!!!

             

呢件就係金色晚裝,其實佢個款好特別,個拖尾都好靚架!!!

 

             

灰色呢件真係唔錯,不過佢原先係low cut,但實在太鬆喇!所以最後又俾珍妮發現到一條勁襯既絲帶,於是就做左呢家呢個吊帶款喇!!!

 

呵呵呵!!所以都物盡其用架…其實買的價錢同租係差唔多,但就任我地用幾多次同幾多日都得,所以抵返晒…呢家D晚裝我都交晒俾yarei處理lu!只有件超靚靚婚紗自己留住咋!