My Lovely Life - 同RC Lee 兄弟Re-u 啦!!!

結了婚都差不多七個月,上進噚晚終於約返D兄弟食餐飯=.=

不過因為兄弟主要由兩幫人組成,所以今次先同大學RC Lee Hall既兄弟團食飯!

我地去左尖沙咀既King Ludwig Beerhall度食德國野,同佢地一齊re-u超開心,講返以前係hall既生活,真係笑到停唔到口,奇哥(一直都唔知邊個奇…用住呢個啦!!),monkey, eric, kent個個都好搞笑呀!!!感恩,我係住hall時就認識佢地,如果唔係,就唔知佢地講咩架喇!好想再玩RC Fest, O camp, hall Fest … 不過,呢家真係無以前咁好精力…唯有得閒睇返D相,開心下啦!!!

好懷念以前住hall既日子,一大班人一齊住,一齊食,一齊考試,一齊玩,一齊癲,今次同左十二樓兄弟食飯,等我們家搞掂後,我都要約返十一樓姊妹黎個house warming先得!我地十一樓一樣有好多好開心既回憶架!!!!!

等D兄弟到達中...

無聊影black pepper...

睇下餐牌有咩好介紹先!

點知...食完隻咸豬手,得返條骨時先記得影相=.=

腸仔都食到咁樣喇...

後尾咸豬手好好味...再order...

食到完全唔記得影相...呢個係再order時補影返!

仲order左碟魚...不過後尾D甜品...又唔記得影lu!!!