尋找合適的承建商當中,仍然果句...滿有神的恩典
努力尋找當中...
最初初要找contractor時,上進青年理所當然探聽村內其他世叔伯的經驗,知道原來村內主要有兩間公司起屋的...有一間公司,價錢比較平(一舨新界區都是差不多的價錢啦),但是質素一般.另一間,暫且稱對方為H 君(實在是...唔記得左那位叔叔的名稱=.=’),據村內叔父意見,H君起的屋仔都情況好好,沒有漏水等等的問題.但價錢就較一舨公司高(我估高10%左右).於是,上進青年去參觀過兩邊進行中/剛完成的新屋仔...最後,都一致通過搵H君作承建商.
以為是當然之選...
但......係落實簽約之前,都要同建築師溝通溝通,實在我地間屋仔唔係傳統的small house,所以間屋都有D難度.所以,係上年十一月左右(又忘記時間了...少年痴呆又發作),約了H君,上進青年弟弟,F君的太太(A小姐啦)(原來佢地兩公婆都好叻,不單F 君係叻叻architect,原來太太都一樣係archit.的master...好勁呀!)約了到一間酒樓到傾談大約細節.
傾談當中,發現H君感覺也是一個老實人,但很有自己的原則.好像A小姐問天台防熱防漏的工程時,A小姐講出他們的要求,但是H君就說做防熱無問題,但是一定唔做防漏的工程,即場啞左!A小姐於是問...我地平時做開的工程都有做防漏,有時甚至做了一樣有滲水情況,所以點 解H 君唔做呢??H君話佢起咁多年樓,只要地基做得好,間屋就唔會有裂逢,咁就唔會有漏水...
呢度...我都有少少的不安.可能自己屋企曾受滲水之苦,硬是覺得無做防漏好似用身唔自在.咁我又唔明,你工程做得無係好,但係個客有這樣的要求,而又唔過份,又唔係唔俾錢,為何要咁堅持呢?!
不過,既然H君咁堅持,而村內佢起的屋又真係無問題,我地都願意繼續搵佢,所以就要求H君做個報價和合約的draft,當準備好一切就可以簽約.
等了又等...等了又等
原先(無記錯)約定H君一星期後交初步估價,然後再商討合約事宜...但過了一星期仍無音訊,於是本小姐又發輝哦功,叫上進青年問問,但真係俾上進青年激死,佢成日都唔想打電話問清楚,話咁樣成日問,好似信人地唔過云云….但問題係,H君過期還未覆,在這情況下打電話問都好正常啦,我唔明有咩信唔過喎!上進青年又使出佢個招口頭敷衍實質無行動打發我.咁我就日日打電話疲勞轟炸上進青年,重要發埋老脾話,連最初第一步都做唔到個誠信,我點相信呢間公司,咁上進青年先知事態嚴重(唔係對起樓呢件事,而係發現我真係好嬲...),於是佢打電話問,對方口頭講左一個價錢,話大約都係呢個數,其他細節一個星期後傾.
咁個價錢都係我地預料之內,所以都係等一星期後安排啦!!!
繼續未完的工作...等等等
話咁快,一個星期又咁過去.H君又玩唔覆呢招,上進青年又繼續玩信得過呢招,最後係我一個傻婆咁日日發癲,日日炳上進青年上天花板,我成日同佢講,唔好係結婚前一兩個月先搞起屋D野,我地都忙都死,邊有心力理,佢又唔肯,好喇!人地唔拖唔水,係咁拖,佢一樣唔理...我肯定結婚前一個月都開唔到工.唔通要結婚寺隔離塊地爛晒咁??!
於昃我唔理佢喇!氣憤時,想起聖經說不要含怒到日落,所以...忍耐!我理唔到咁多,就交俾主去搞啦(好唔負責任的一個人=.=)
諗都無諗過的結果
結果,係我純查詢的情況下,而對方又真的太久沒回覆,於是上進青年終於願意打電話俾H君,查問有關合約的事宜...回覆的答案是...............H君公司的工程師仔細看過圖則後,覺得間屋仔太難起,怕到時起得唔好,所以唔接我地個工程!!!嘩!!!唔接唔緊要,通知聲哎!等成個月,最後唔係打電話俾佢都唔知佢唔做,白白浪費成個月...好啦!!今次真係要結完婚先起!
P.S.呢家諗返,都忍唔住要數落上進青年:一早叫你問你又唔問,成日話怕人地覺得我地唔信佢.但你有無聽過咩叫溝通呀!!!!你咁快同人地可以神交,唔問都知人地做乜呀!!!!!!!!早D問,就一早搵第二間啦!!!!!!!!!!!!!!!!!!!!!!!
欲知後時如何...請繼續收看!
沒有留言:
張貼留言