在一萬尺高空上…
其實我唔鍾意坐飛機…我係怕,不過唔係怕坐,係怕隻腳痛>.<
話說小嘉以前打hockey的關係,成日都要swing腰呀腳呀咁…但係個人又唔鍾意食D有膠質的東東…於是,年紀輕輕,膝頭哥的軟骨已經蝕蝕地…所以有時打風落雨,都有D風濕…
從未試過的感覺…
係幾年前,同上進一齊去澳洲玩,順道探一個小嘉的中學同學,個次搭quatas要飛8-9個鐘飛機…一心諗住無問題,因為都去過好幾個東南亞國家,坐飛機都無事…點知出事喇!!!係飛機裡面,頭個三四個鐘都無咩事…到第四個鐘左右,發現膝頭開始痛,雙腳板又腫晒,腫到覺得對鞋好緊…忍唔住要除鞋…D位又窄…訓又訓唔到
於是今次去NZ,知道都要坐9個鐘飛機…都驚驚地…
感恩...
今次真係好感恩,首先,上到飛機星航會即刻俾個menu,咦??!有bailey喎...唔,決定要一杯,因為小嘉飲兩啖酒就會好想好想訓覺,所以我上到機最希望係訓...
點知...飲左係就係眼訓,但係訓唔到...隔離位上進就訓到成隻豬咁,好在,星航都有幾多戲睇,仲要有個好處,D戲係自己揀,唔使你揀個channel黎睇,所以唔使驚要係中途睇.唔知頭唔知路咁!而且又有好多Games玩喎!!我就不停用數獨黎毒死自己,祈求悶到可以訓覺豬...
終於,我係香港時間凌晨一點幾訓著lu!!!
開心得太早>.<
難得訓著覺,超級勁開心,但係我要成日周身郁...因為雙腳耐唔耐就會有少少痛或者唔舒服,於是有時雙腳放右邊,有時放左邊...更甚者...繞埋對腳放係椅度訓...點知...出事喇!!!!
呢野真係好”慶”囉!!當我想繞腳時...突然...一杯凍水係咁倒落隻右腳度...即刻成個人醒晒,咩睡意都無...個腦停左,唔知發生咩事...我明明無要水,點解無啦啦有杯水係我個摺台度???
由於太驚訝,上進都比我嘈醒左,佢即刻拎紙巾俾我,仲要爆左出黎.........原來係佢自己要左杯水,又飲唔晒,又唔想放係自己到,就放係我張台...嘩!!!!!!!!!!!嬲到我哎!!!哥哥仔,你自己飲水咪飲囉,要放咪放係你自己張台,你仲乜要放係找度,仲要係我訓左時先放...呢家好啦!我唔洗訓啦!!!佢就係咁易講幾句sorry就又訓過...可憐我,眼光光繼續同個電視奮戰多4個幾鐘先可以落機...濕左的褲,都人肉乾衣咁乾返啦!!!
哼!我下次決定訓之前收返好張台,同埋...我要帶定半粒安眠藥先得!!
沒有留言:
張貼留言