兩星期喇!
超搞笑,上進噚晚無啦啦話,佢話要係個blog度寫「陀仔...陀屋仔進度」...哈哈哈!!我叫佢自己係佢個FB度寫啦!!
超級勁感恩...
無諗過星期日都可以親眼見住個進度(雖然係P弟的,但係都好開心,有得睇!).聽返判頭講,因為怕遲D會係雨季,所以襯呢家天氣好,就利用埋星期日趕進度,所以如果遲D落雨都唔怕...希望係兩間屋做external時都好好天氣啦!!
認真看看...
今日認真的看看不同鋼筋,因為係嘉爸載我同上進返村,所以嘉爸都有去睇睇(其實佢都好鍾意睇啦!!!)
嘉爸真係名符其實的口水佬一名,泊好車一開門,就即刻同D師傅打招呼...好似識左人地好耐咁...勁!唔...據嘉爸問同目測,我們家的地基有四個不同粗度的鋼筋...不知全部的size,只知有些是6分,最粗是1吋!!
哈哈哈!
嘉爸行左一圈,望望P弟個地基,就話個地基好勁,未見過用咁多鋼筋,仲話七級地震都唔驚(??!),不過連D扎鐵師傅們都話一望個設計圖,都話用咁多鋼筋,如果地震,間屋都只會上下郁,唔會左右搖擺咁話...
拗彎鐵的機器...
真的很感謝...主的安排
噚日,承建商B君都有黎村到,因為有D文件要上進要簽名俾地政,於是上進就順道同B君講,好多村裡面的叔伯都話個地基好勁,用好多鋼筋.B君話講過會用起大廈的standard去起我地家的屋,就會跟足...好感恩,主安排了這個承辦商(佢都係基督徒黎)給我們.我們現在所得的,比我們想像得要好百倍...超感恩中...
十四天的進度
其實噚日個天氣好熱,同D師傅傾偈時,都覺得好辛苦,但佢地話做呢行就係要咁...噚日天氣都唔辛苦,其中一個師傅仲同我講,晒到個鼻甩皮時先辛苦.WHAT???!晒到個鼻甩皮時已經中暑啦!唔怪得師傅都話無乜後生仔入行做喇!
用來扎鐵的鐵線...
Base …
個base已經扎好一格格...呢個就係我係台灣個網見到的地基,佢地都要咁扎,因為台灣D屋要防地震...唔怪得嘉爸都話七級地震都唔驚啦!!!
柱…
柱躉都開始扎喇!!我們家和P弟間屋都一樣有12條躉(如果我無數錯自己家的話),回家看看P弟家的圖,他們家的躉是齊齊正正的直3條橫四條...但我看過我們家的...蠻複雜喎!!一樣是十二條,但卻不是平均的排好,哈哈!好期等做我們家地基時看看是怎樣.
辛苦工作中的師傅們...
一條條躉就是這樣扎出來啦!
第十四天的工作...完成!!!
題外話...
今日嘉爸打電話話我知,他同二伯打算去看看我們家起成點...我忍唔住問佢地點解咁有閑情逸志...估唔到嘉爸又真係答我話佢同二伯無野做,咪去睇睇囉!於是我打過電話俾上進,佢聽都不知幾開心,梗係啦!有人幫佢睇住間屋點起嘛!今晚放工打俾嘉爸問下個情況先!
明日預告…
今日好似話有測量師看看地基鋼筋,如無意外,明天會落水泥喇!!如果聽日嘉爸去到睇就好啦!!!希望我們家起的時候,嘉爸都得閒成日去,佢最容易同D師傅打好關係(其實佢好適合做PR).咁樣間屋仔實會起得超級無敵勁好啦!!!
沒有留言:
張貼留言