驚嚇的第十七天
前日倒完水泥,原來一日就乾喇!不過之前都聽D師傅講過,呢家開始用的水泥會係靚D,會溝藥水令佢快D乾,但係真係超快...一日就乾
但係,當噚日乾左時,咁測量師要去度位...發現...竟然有幾條柱唔幾記整???!!!!!!!咁都得???!所以師傅們要係個地基度鑽孔再種返條柱入去.
點解會咁??
我地都唔知點解會咁,宇爸又費事問,咁上進又唔打電話問B君,我自己估,因為之前佢地扎好D躉後要留幾條,等工程師確定好後先再扎,然後先落水泥,我估就呢個位,可能工程師看完無問題,D師傅就落水泥,唔記得左仲有幾條柱未扎啦!!!
總結...
為左安全起見,小嘉決定,一定要係我們家倒水泥那天拎假返去望清楚,數清楚先得!不過,我估發生呢件事後,D師傅都會留心D去做,而另一方面,都可以見到D測量師佢地真係有做野,如果唔係,佢都可以唔出聲啦!!!
額外...
噚晚千辛萬苦,趕出土瓜灣睇太陽能熱水爐,上進好滿意,因為負責太陽能個職員放左工,所以問唔到野,但上進都諗住裝...不過,我遲D都會再打話俾個職員,再問清楚先得!!!
另外,係土瓜灣行左陣,都見好多燈飾舖,入去行行都發現,其實水晶燈都唔係好貴,佢地都係用埃及水晶,都超閃,其中一間直情有埋asfour 同唔記得咩牌的水晶燈,有埋Dealer證明,佢有盞臘燭型水晶吊燈,D水晶灰黑色,好靚,個架仲係意大利做,都係$2XXX(唔記得),好似都信得過咁!
不過,遲D再去埋燈飾倉,旺角,荃灣一帶望望,再決定係邊度買...所以大燈都唔會返大陸買lu,至於toilet, hallway, etc.位置的燈,就再望望,未決定會唔會係大陸買!
工程預告
今日P弟間屋應該開始圍木板,做地下的牆...
沒有留言:
張貼留言