My Lovely Home の DDL & Video Door Phone

事緣...

小嘉呢排成日都會上網搵資料,睇下人地裝修,起屋仔的experience...可以吸取下咁!所以呢家都做左個超級無敵master list出黎,裡面有齊要買的主要燈呀,傢俬呀,電器的資料價錢等等,一來可以做budget 的estimation,二來又可以比較各家牌子同型號!於是乎,就成日跟住個list上網睇,同埋諗下有無咩東東唔記得記低...於是出事喇!!

 

第一步...

由於係一個auntie屋企見過D電子鎖,覺得都幾型,再加上我地家對大門應該無鐵閘,所以用電子鎖就Very good喇!於是就係咁上網搵資料,我的1st priority 都係揀Samsung...嘩!!見到D好型仔架!上網睇下有無價錢睇...嘩!!!如果係PCL度買加安裝要成五六千蚊,不過如果係ebay個D細舖買,唔包安裝千零二千蚊...仲煩緊要唔要...

 

第二步...

後尾諗諗下,最新個D同係用pin / card去開門,小嘉又想用fingerprint喇!於是又係咁搵係咁搵資料...不過原來無咩新款,而且D色都唔係好靚..係銀灰...我想要超型黑色嘛!!!不過同上進傾過,有可能原始鎖加個指紋附加鎖...哈哈!!我同上進講,我地就係得一對大門,緊係要安全D啦!!!

 

第三步...

係一個blog度見到有個都係起屋仔的朋友,佢住二三樓,佢買左個panasonic的video door phone...嘩!!都幾好喎!!!不過都無諗過要...點知...好死唔死,俾我係samsung ezon個網度見到samsung都有出Video door phone(SHT3005)...嘩!!!!!超級勁型仔呀!!如果有裝埋electric striker 就可以用黎開埋門添!!!(雖然唔知所謂的electric striker係指D咩...心裡面諗係一個門塞??!!!)

 

幻想...

發現D咁好的東東,於是幻想如果放係三樓(因為二樓預左第日俾小朋友用,所以唔會成日留係二樓啦),咁樣如果有人按門鐘,咁我見到係朋友仔,咪可以唔使落樓/跑到咁落樓開門囉!!!好Good呀!!!即刻碼上網摷...但係好少資料,又唔知幾錢...唔理咁多,自己係master list到預筆錢先(先斬後奏)...

 

再發夢...

係太古同上進一路行一路落咀頭,嘩哈哈!!我咁叻,上進梗係初步同意啦!!於是返到屋企係咁搵資料!咦??!點解搵極都真係無SHT3005個型號呢??不過,哦...反而係ebay, yahoo aution度見到有samsung 的video door phone,不過型號係SHT3207!就咁望落好似唔係好靚仔咁...但心諗3207應該係新過3005哎??!而且個個seller都話係新...於是的起心肝研究下...

 

新的發現!

呵呵呵!!俾我係一個網到發現到SHT3207的catalogue! Yeah!!!即刻開黎望望先!!哦哦哦...原來都幾型仔喎...同埋係ebay / yahoo auction度得知,原來想要有埋開門的function,要安裝Samsung電子鎖的SHS5120A / 6020的digital door lock!好!即刻上網睇下幾錢先!

 

唔...個video door phone #3207呢...無論係e-bay / yahoo最平都要$3500…大家望望個靚樣先!!

                 

而望過 Samsung ezon #5020同6020個樣後...覺得#5020超型...去相!!!

                  

價錢就大約$1800...

 

結果…

唔...都OK啦!!!但係ebay買,唔知安唔安全呢??!不過可以去D舖頭拎埋,做有埋一年保養...我諗信得過掛?星期日會見B君,到時再問問佢意見...因為我地估,如果要裝呢D,應該要一早知,要將D電線埋係牆裡面...希望真係OK啦!!