其實好驚呀!!!
由於突然有好多大型電器/自己想要的東東要係easter之前決定好,所以小嘉噚日放工,即刻行過去駱克道轉個圈!但係講真,得自己妹妹仔咁樣走入D舖到,其實都擔心人地唔騷我...不過超感恩,so far想要知的資料都搵到!
尋找我們家的SPA!
我第一時間要去睇就係SPA喇!!!我一早先係網上面sort out左邊D舖頭,主力要睇的是toto, kohler同埋roca.
其實我們家唔係富貴人家,但上進好鍾意message,所以都希望有個spa係家中,咁佢放工後可以舒舒服服咁享受一下.我地其實上年都去過深圳,望過下,見到kohler的按摩浴缸都係萬零三萬蚊有部,所以預算budget都係$25,000.所以都擔心係香港唔會點搵到=.=
第一站...TOTO陳列室
小嘉已按各代理商的地址而編排行程,首先到達的是toto陳列室.一入去見到感覺超豪的裝修,而且一個超大的SPA放係度,個心即刻驚一驚...(仲要間舖無人=.=),一入去D職員就望住我,然後問我有咩幫手,我就問佢有無一D浴缸size的Spa...佢地就話無,只係得陳列個部大到可以放係房的...於是...第一站結束.
第二站...leisure Plus
Leisure plus都係toto的代理,我行到過去,見到完來有成三層高,又再驚一驚,不過真係要問清楚,於是一路上去一路求主俾我勇氣(好啞...不過天父就要我地成日依靠佢啦!!!)上到,都係一個showroom,於是有問有無浴缸size的Spa,呢個姐姐好nice,佢同陳列室一樣話toto無細size,佢問我係未搵浴缸size,佢帶我去睇另一個牌子.
Bathroom Design – i-Spa’s Together series
Nice 姐姐問我要幾大,其實我都唔知,於是佢話香港多數都係160-170左右,佢帶我去睇一個170的.據佢講,個spa係由歐洲造(唔記得邊度...不過見網上講親呢個Spa都係泰國網,其實懷疑係泰國造,遲D再去問清楚先!)
呢個spa有齊air bubbles同埋air jets,仲有埋lighting添.佢仲拎左個2007 IF product design award添(德國的). Nice姐姐話呢個spa盛惠$48,000,有10%off(嘩!!好貴呀!!out budget喎=.=),nice姐姐仲話呢個series係呢個牌子最平的,其他要6萬以上,佢平的原因係因為要manual去調教air jets的角度.而佢一個特別設計係佢有overflow的system,佢D水會係浴缸邊流回浴缸內循環咁...(唔知咩好處).報告完畢!
之後繼續行了 一兩 間toto代理的公司,不過都係無spa...
下篇part II,繼續尋找我們家spa之旅!
沒有留言:
張貼留言