無啦啦記得要搵...
其實之前上進同P弟有提過想裝太陽能熱水爐...噚日突然諗起要搵(一定是天父的帶領...如果起晒牆先諗起就煩囉!),於是上網搵資料.
上進講過要D型仔D的款,我其實之前見過德國寶好似有,上網望望又唔見有咩其他牌子有人介紹,咁梗係搵間信得過...俾個樣睇下先!
其實你話型仔,我又唔覺又咩咁型仔,只係佢外型俾內地牌子好好多,所以我唔太care佢外形,反而睇下係咪咁值得買...
努力研究...
係德國寶個網睇返D資料,如果裝一個panel,咁就可以有180L,而兩個panels就有300L...不過最緊要用電程況,我見即熱爐要成18kw/24kw...而個太陽能就300L 就4.8kw...嘩!!咁樣用電差好遠喎...偍係太陽能係咩情況先用電就唔知,佢係無太陽時用電哎,定係由朝到晚都要用電呢??如果太陽夠咁係咪唔使用電呢??如果係,就真係平超多呀!!!!雖然買呢個熱水爐要成$19,800,但係,如果我地買即熱因為要買三部,電寶平平地都要$9,840,靚少少(都唔係最靚型號)的西門子更加要成$15,570.如果計埋電費真係慳好多又環保...
問個明白
所以如無意外,上進和小嘉今日放工後會直踩上陳列室問個明白同睇款...等陣打電話去問有無實物睇先!
沒有留言:
張貼留言