My LoVEly HoNEymOOn - 遊歷....SGP機場~

坐了幾個鐘幾,由香港到達SGP喇!!!感覺超怪,因為香港係冬天,小嘉和上進都仲係著住D冬天衫(仲要係厚個種).去到SGP機場,感覺到陣陣熱風...其他人都短衫短褲...

 

搵呀搵!!!

 

到達第一時間,我地緊係去睇返係邊個Terminal,邊個gate上機啦!!!

 

望下先...唔,最左手邊show左個機名出黎喇!!!terminal 3, Gate B2 … 1945hrs去Christchurch呀!!!

    

 

 睇唔清楚...zoom近D啦!!!!

      

向著B2前進!

轉機時間要到七點九,仲有大把時間...於是慢慢行慢慢走,看看東又看看西...唔...星加坡個機場,佈置得好有原始森林Feel,以前黎過,不過跟團...邊樹有咁多時間周圍走哎!

           

                 

漫長的等待中…

轉機真係一件辛苦事...其實我地都係等一兩個鐘都好D...不過...就係呢一兩個鐘,出去又唔夠時間,係機場裡面又悶到發慌...做乜好...發現有電腦俾遊客用,即上FB,嘩!!!發現有好朋友已經放左教堂時的相...好白痴咁同佢合照=.=

超無聊二人組…

後黎發現原來Show passport可以有無限上網(用佢地部電腦...只可以用十五分鐘…就會log off),即刻係咁上...上到超無聊時,我呢個變態小嘉...又再出動...我夠膽死大無斯樣咁拎幅十字繡,擺好個陣...坐係個候機室到係咁繡係咁繡......

 

仲係好無聊呀!!!

無無聊聊...收返好D繡繡,周圍再行行...點知發現超得意,原來SGP機場入面有個butterfly garden...即刻入去望望...上進好似好興奮,係咁不停影相...我望多幾望,就覺得好悶,見到園中間有個箱,裡面有D蛹...一心諗住係標本,走埋去望...望望下...點解D蛹會郁...唔,做得真係真實,真實到有D反胃,點知上進走埋黎,話過我知...D蛹係真!!!嘩!!!好嘔心呀!!即時跳離危險範圍十丈遠...上進仲要走埋去影...呢家睇返D相都仲反緊胃...

    

下一站…Christchurch喇!!!不過到達前...都要講講差不多十小時飛行途中的事啦!!!