My Lovely Home の Day 15 & 16 ...十五十六...

工程部...第十五日

首先講返星期一同二的工程進度先...係星期一,師傅們仍然努力扎鐵,係朝早十一點左右,嘉爸打電話黎,話同二伯一齊去看看個地基.小嘉放工都打俾嘉爸問問個情況,嘉爸話個地基好好,二伯話起十層樓都無問題...聽到都放心晒!

因為上進星期一超忙,所以無時間打電返去問情況,感恩有嘉爸做臨記探子,佢話我知D柱躉扎剩最後幾條,D師傅話要等測量師睇個位罝無問題就扎埋佢...

 

工程部...第十六日

係星期一,測量師睇過D柱位無問題,師傅們已經扎好鐵,所以係星期二即係噚日已經可以落水泥喇!!!但係落水泥的過程係點,我都唔知哦!有無話用D咩機器壓實D泥,上進又唔記得問探子...所以,小嘉決定下次我們家落水泥那天要請一天假,一來,看看情況是點,二來...哈哈!!有個人企係度望住,我諗佢地都會落力D啦!!!

 

咁今日(即係第十七日)會做D乜呢??

上進問到唔清唔楚...好似話今日唔多野做(可能要等D水泥乾),又好似話會整D木板...今晚先再問啦!!!

 

My Work...

我估我們家的地基,應該會係呢幾日開始做喇!所以,噚日都急急腳搵D資料,好似DDL, video door phone同Solar water heater咁...因為如果真係install呢D東東,咁牆壁都要預先做好管道for接駁水電咁...

 

三心兩意...

原先睇中部samsung ezon #SHS 5120A 的DDL,但係睇多幾睇其他網上的評論,發現原來新一個型號#SHS 6020雖然外型無咁型,但係外殼係金屬feel而原先的#SHS 5120A 原來係噴漆,D油會易剝,所以貴多幾百蚊,諗住買#SHS 6020啦!至於video door phone仍舊都係#SHT 3207.

 

不過裝唔裝到都未知,我地都Send 左 e-mail俾F君(我們的大設計師) 和B 君,都等佢地覆.

 

我仲有新發現...下篇講!!!