第三站...American Standard
其實原先完全無醒起有呢間公司,係行行下見到,諗下係喎,都可以一問,於是就入左一間度睇,一入去店內,就見到有一個按摩浴缸係”樹”不過,又係4萬幾,不過超入去問問,間舖的哥哥仔都OK nice啦!咁個呢款有air bubbles同air jets的浴缸都要三四萬以上,佢話因為有裙邊,但係如果買D款係自己師傅做底座(我姑且咁叫...因唔知叫咩),咁就會平好多...佢俾左本catalog俾我,呢D嵌入式浴缸價錢都係萬幾二萬蚊...不過只係有air jets無air bubbles.問佢地係邊度造,佢地話嵌入式過D係泰國,反而有air bubbles都係大陸做.
American Standard嵌入式都係類似呢D款...
第四站...Kohler
再行一陣就到kohler的總代理showroom,入到去又係一望就有部可以兩人用的Spa,入面都幾多人,於是周圍行個圈,然後去返詢問處,有個哥哥仔介紹我,佢地kohler有兩種spa,一係內地造,另一種係美國造.咁內地造會平D,個air jets一樣係美國造,而美國當然成個係美國啦!於是我各揀左一個浴缸去睇睇.
中國造的價錢大約係萬幾蚊以上,咁我睇的其中一款係鑄鐵,所以貴D但係就會堅固耐用D,佢盛惠$30,100但有10%off,如果同款纖維造,就萬七左右咁.
而美國造,適合我地屋企size而價錢最平都要盛惠...$64,800!!!所以都係...得過睇字啦!
Kohler美國款類似呢個,唔係太特別!
下篇Part III尋找我們家的Spa,第一次出擊最終回!
沒有留言:
張貼留言