最初...
其實見P弟間屋的地基已經七七八八的時候,我就同上進決定先看看spa浴缸,因為聽T君講,個地基一造好,其實三層樓的外形就一個多月就可以起好.因為我地要係起好D牆之前知道有咩電器/用具需要特喇安排水電的舖設,所以就睇定D款式!
元朗逛逛..
前兩星期,因為星期六日都無時間去駱克道睇睇,所以先去元朗的合益路看看.咦!見到一間望落都high class的浴寶店,佢又有spa浴缸,於是入去睇睇.
英皇衛浴...可惡!!!!
入到去,見到都有三個按摩浴缸,於是都去睇睇外形,function同價錢,個女店員一見到我地,都有D想理唔理我地咁.其實佢D浴缸價錢係within我地budget,都係二萬以內所以都有興趣了解多D.
個姐姐仔見我地行黎行去,於是就問我地想要咩,咁就同佢講想睇spa啦!首先問佢D Spa係邊度造,佢話產地係英國,佢就問我地要咩Size咁!咁佢問都正常,不過我地都唔知,所以就話佢知唔清楚,佢就同我地講,咁樣好難睇款,因為唔同款安裝會唔同.咁呢點我地都明白,但我地同佢講,我地就係呢家睇定款,如果有睇中,就可以俾個款師傅,佢地再去就位(呢個係B君同我地講).但係個姐姐仔態度有少少差咁話唔可以咁睇,又話要帶埋師傅黎一齊傾.問題係我仲好初步,我想睇下有咩款自己鍾意,到真係睇中先叫師傅黎,唔通我叫左師傅黎,點知無件睇中...咁咪浪費人地時間囉!
更可惡的事情!!!!
其實呢個時候我有D嬲嬲地,難道佢唔可以講解多少少等我可以考慮,一定要煩人地師傅陪我地周圍走去揀.就係呢個時候,有個男人入黎(估佢係負責人,稱佢為Bad man),佢同時有另一個男人入黎,佢應該係D師傅,因為後尾見佢地拎住D圖係度傾!
呢個bad man入黎坐低就問我地睇咩,咁個姐姐仔就話佢知我地睇Spa,咁佢又問我地咩size咁!我地咪又講話想睇左款先,嘩!!!!!個bad man真係好bad呀!佢無啦啦就超無禮貌咁講:我地呢度唔係個D砵蘭街的舖呀!又話我地咁樣睇唔得呀!!又話咩安裝唔係好易...唔係到到都安裝到D浴缸!無啦啦俾佢連珠爆發咁話...佢真係做到傻左囉!
感覺好像被耍了!!!!
好喇!咁我再同佢講多次,我地起緊村屋,所以如果睇中左,我地D師傅可以就到位黎做!佢又一輪咀話咁樣唔得,實會錯,又話我地唔識,一定要叫師傅黎!跟住又話D Spa唔係話買就買,要同我地講清楚D function呀,安裝咁,佢咁講我未以為佢會同我地講返清楚D,於是我地上去樓上個曾再行個round,個姐姐仔又跟住上黎,又再同我地講個呢D浴缸好難安裝,我總好記得佢講:就算D師傅黎埋,最後改一萬次都仲會錯.下????!咁我係未應該唔幫襯呢?改一萬次都錯喎??!
咁我地行完個round,行返落地下,諗住個bad man會同我地講解,點知佢仲同緊個貌似師傅的人物傾,咁都無所謂,最多你同我講聲叫我地等等都OK,但佢理都唔理我地,其實佢當我地係混吉,咁無法啦,惟有走人.
出左門口,我同上進講好想唔幫襯呢間野,但上進話佢D職員差,但係可能D貨品合我地意呢,上進仲叫我上網搵下資料,睇下呢間O唔OK!
我覺得佢地唔可信!!!!
於是,我上網check資料,一睇就唔對路,佢話係英國產地,但係點解好似總公司係大陸,跟住好難咁先搵到一個discussion係有提呢間公司,但係D人話佢D貨係大陸造喎!!!下??!咁佢又話係英國產地,難道產地同製造可以唔同地方??
另外,經過我噚日四出尋訪,覺得佢仲想嚇我地添!佢成日話佢間舖唔係咩砵蘭街D舖頭,安裝好難,唔係就咁就得!就係佢咁講,我噚日係駱克道(唔係佢講的砵蘭街)全部都係大公司toto, kohler, American standard, roca的代理店(全部係thro’ official公司website搵的代理店),問人地安裝係咪好難,間間都話好易,話就咁裝落去就得,普通裝修師傅都識.哼!!佢仲話咩好難,如果真係好難,都係個牌子有問題啦!人地全部都話易呀!!!
Conclusion
我唔會再入呢間舖一步,免得再俾人奚落!!!!!!
沒有留言:
張貼留言