第五站... Roca
黎到最後一站,我最期待的Roca喇!!(其實唔知點解咁期待=.=),佢呢個showroom超大,有三層高,首先入到去都一樣有D壓迫感,不過so far 員工都好nice,我行行下都見到有一個spa浴缸,見到佢話咩做sale $6000有7air jets加$700就有8個.其實一直都唔明Roca呢個咩加jets係咩...於是佢有個好nice的哥哥仔行黎問我有咩幫忙,於是我就問佢其實係咩黎!
原來roca有兩種spa,一種就係呢D咁樣,自己揀左心水浴缸,再加錢去install air jets,不過一樣係無air bubbles,不過因為係咁配搭,所以師傅安裝時需要係底座留位做motor同散熱窗(不過好細,唔會唔好睇的!),以我噚日睇的陳列品為例,佢浴缸係$10,700,而air jets就$7000,所以Total 係$17,700.而買夠$9000可即場做VIP,即時用到10%off優惠...佢個浴缸都係意大利,西班牙等地方造,而air jets一樣係美國造.咦!!!可以match到我地個budget而又係歐洲美國造喎!!!不過都係無air bubbles.
至於內罝的按摩浴缸,我上到佢地三樓睇,嘩!!!好貴呀!!一睇個D款都係貴野,要成十萬以上...都係返落地下算!!
Conclusion
返到屋企,我同上進再深入少少研究...其實知上進都好想要有埋air bubbles的款,但係全部都要三四萬以上,於是問清楚上進係咪真係會浸,係咪鍾意...如果係,我將我地買spa浴缸的budget amend到五萬大元,感恩,我一直Draft個budget都係預多無預少,變左其實其他地方都係有餘,不過我可愛的roca靚靚龍頭($3000人民幣)同超可愛kohler 360度轉轉花曬頭(盛惠$1580)都要say goodbye喇!!同埋其他野都唔可以再太over budget喇!!!
所以我地黎近會再去多次駱克道望望...心水係要詳細研究bathroom desing的i-spa together series,同埋直接問roca會唔會有我地budget內的內罝按摩浴缸.所以最終決定...遲D公報!
P.S.噚日除左自己去睇spa,之後再join上進係銅鑼灣睇電器...下篇講!!!
沒有留言:
張貼留言