終於...終於寫到昨天喇!!!
由於上進青年當通宵更,小嘉就回媽媽樹嘆返日!問了上進青年,放工後好唔好返去望下個進度,我仲估佢話唔使,佢成日都話唔洗咁煩,得架啦.但係噚日佢唔知仲乜,竟然話好...所以小嘉放工後,叫嘉爸聲我去屋仔度睇進度.
問題不斷...但主愛常在...所以...天父保守囉!
在放工時打俾上進青年,佢話收到B君的電話,告知隔離屋的水喉管有部份在我們的屋界內.當然要清走啦!無理由將來條喉爛左,要我挖爛個花園俾你修理...所以都入去望望個情況,而上進青年都立刻打去WSD,WSD話今日會派人去望望喎!
看到了水管的位置,原來WSD已在另一個位置安裝了新的水管,只是還未開始用,那麼,我想問題不大,既然已有新的水管,只在乎那天cut在我家範圍的轉用新一條,不過點都要同WSD講清楚某年某月某日要解決問題,否則工程時弄壞了喉管也沒法子,又或是工程因這水管而延遲,所有賠償,佢負責啦!!
這個地基應該靚
嘉爸看了實景即讚口不絕,讚好穩陣,如果真的扎埋鋼筋就六級地震都唔怕(心想:佢又知??!),但問問宇爸(按:上進青年的爸爸)知唔知會否扎鋼筋...回答...不知道哦!宇爸一肚氣,因為上進青年不讓宇爸問工人情況,但宇媽就懶得埋佢,照問可也,不過係...問完都未必知人地講乜=.=
影了幾張看不清是什麼的相就回家去了
終於面對現實
夜晚上進青年告知,佢終於打俾B君問清楚詳細情況...原來地基深度standard係1米,但我們家的會是1.5M,而地基裡面會扎鋼筋!!!!嘩!!好少屋仔會做咁靚的地基!!好GDGDGDGD呀!!!!!
B君話,我們家的地基,會按照起高樓大廈的標準來做的...勁呀!!!
臨收線,都要再同上進青年進行一次人生道理的課堂...佢應該(希望聽得入耳啦)知道,問清楚唔等於唔相信,我唔明白點解佢會有呢個諗法??!由其是做起樓裝修這行的...個個都係口水佬,我屋企以前裝修,嘉爸都同個裝修師傳吹到成面口水(呢家仲做埋fd...),所以我都係係佢兩個口水佬的對話當中學左小小關於裝條的東東...所以,上進青年話批准宇爸媽同工人講野(你睇佢幾專制...要佢批准...我睬佢都傻!)
感恩
又再一次感到天父的大愛,如果當初 那個H 君接了這個工程,那麼我就唔會遇見B君,那麼現在我們家的地基,就唔會咁超級無敵穩妥喇!!!
沒有留言:
張貼留言