今次我地一行有五個人,多左一個苦力阿四…我最細既細妹是也!第一日我地搭船去到澳門,由於地理環境,所以先上主教山,呢次影相真係辛苦都爆,因為個時係6月再加埋係打風前一日,所以真係好焗又好熱…個妝溶到癲咁濟.
係主教山,辛辛苦苦咁影左D相,由於仍未夠鐘可以去酒店check in,所以就打算去一個墳場內的小教堂(我唔記得左個名喇!!),我地由主教山行到差不多到山腳先搵到架的士,真係人都癲,最癲係…去到個教堂,原來朝早有人做安息禮,噢!!!實在太熱太辛苦,於是我地就搭的士,先返去位於氹仔的酒店.
係酒店安頓好後,小嘉下午租左七人車,所以可以舒服好多咁周圍影相喇!我地去左市政廳,一D教堂外面,唔記得咩葡韻等等…本身想去個燈塔呢個必影景點…點知..大風大雨,所以影唔到喇>.<
為左用盡租返黎架七人車,於是再去多一次上午個間做緊安息禮的教堂,點知…無人喇,只有清潔姐姐係度(同埋一D花牌=.=),小嘉膽粗粗問個清潔姐姐可唔可以俾我地影相,佢竟然話無所謂,仲幫我地執走部份垃圾先(不過禮堂正中間兩個大花牌係就係執,不過係執相時先執走…我地真係百無禁忌!)
係呢個又熱又忽晒忽落大雨的一天,小嘉終於完成第一日拍攝…第二日超正呀!!!!
先旨聲明...因為小嘉改過D相,所以有D色/比例有時會怪怪的,請多多見諒喇!
主教山必影地點!
今次呢個髮型,簡簡單單..但就好靚!
去澳門影相,唔少得既主教山...不過唔入得去..有個保安叔叔睇住
呢幅要出動yarei專業fing裙人員先做到個效果..哈哈哈!!!
好似跳緊舞咁...我隻手都好似好優雅咁...不過...其實fing左好多次!
呢度係真係熱到想死呀!!!個妝都溶溶地...要不停補妝=.=
呢個構圖真係好特別呀!!
有少少電影海報Feel的一幅相!
能夠真係係一間教堂裡面影婚照...小嘉超開心哦!
呢條婚紗都係yarei提供...不過最後俾我搞到污糟晒lu!
彩色的玻璃...真係好靚呀!!!
呢幅一定鳴謝阿四...佢幫我fing個頭紗fing左好多耐先整到!
呢度好似係市政廳...唔係好記得=.=不過唔好睇好似好好天氣咁...其實個時係橫風橫雨架!!!
無諗過要係大三巴前面影,不過行過,點知無咩人,所以...到此一遊咁影幅啦!!!
終於影到尾聲喇!!!真係好辛苦,好焗呀!!!呢個位係上進一定要影,所以幾辛苦...都要笑!!!
勁LIKE呢張，真係好有海報FEEL啊。。
回覆刪除[版主回覆06/01/2010 14:18:00]影到呢張勁開心....因為想係教堂裡面咁樣影好耐...不過香港D教堂唔俾影相,澳門我都只係搵到呢間俾入去咋!