我的旅遊日誌 台灣の旅10’第三天 九份

呢日我地目的地係九份,係之前個日try過買劃位票…可惜已經full晒,所以要上車時見有位就坐,我地八點鐘起身,再去酒店頂樓食返同前一日一模一樣既早餐,之後我地就去台北車站買飛向九份出發!

我地一上左火車,即刻四圍望,其實架車都幾full,不過…剛好有D人落車,俾我地搵到一個兩人座位吉左,於是我地就四個人坐兩個位(當然唔係迫晒落去啦!!我地拉開兩個位中間的扶手,咁就可以坐三個人,而我就坐係近路邊的扶手上面),因為如果中途有人上車show返有劃位的票就要讓返個位俾人,所以沿途都諗緊下個站會唔會有人呢…

搭左差不多十個字車,終於去到瑞芳站,出大車站就過對面搭巴士,小嘉幾年前到去過九份,我發現…呢度基本上咩都無變,所以知道邊度有車搭喇!

巴士去到九份時,一落車…噢!!超大霧…兩三米後既東東都睇唔到,咁我地都無理咁多,繼續向前走,一路行珍妮已經好想食芋圓,但係小嘉睇過旅遊書,見到有個唔知咩阿姨既出名好味,所以就再行入D喇!行到咁上下,我地入左一間舖食簡單午飯…原來個唔知咩粿都幾好味喎,有D似蘿蔔糕,又食大甜不辣,魚丸,皮蛋豆腐等等.食完再周圍行下,終於見到去個間唔知咩阿姨的舖,而呢個時候開始落雨喇!去到門口都見到有人排緊隊,珍妮望望,又見唔到有位,怕要企係度食…於是…我地無係呢間出名的芋圓舖食…我地行到盡頭,一路影下相,睇下D舖,就返轉頭,呢個時候其實都有少少大雨,我地快快咁行返近入口既芋圓舖,叫左一碗冰兩碗熱的芋圓…唔…味道一般咁啦!食完我地都開始離開lu!行過一間賣類似雪米磁既舖…一盒十二粒要港幣七十幾…試左個strawberry味都好正…於是,小嘉就買盒返香港喇!

我地跟住離開九份,我地返一返酒店,拎左間房…不過有一間未得…安頓好後,我地接住就去師大夜市,其實當時都有D夜喇!落左車仲要行好長一段路先到,不過都幾熱鬧,呢度有D文具舖,嘩!D文具真係幾平…小嘉都買左兩個改錯帶,我地係呢度食左米線,鋸排,又食冰…好飽呀!!!阿四仲係度買左三枝畢業bear bear公仔,行到成十點三,終於拖住就爛既腳返酒店喇!!!

呢晚我地四個人分開兩間房,張床超搞笑…係圓形…小嘉心知不妙…極度希望唔會俾豬咪踢落床…不過床就無俾人踢…但都發生一件令小嘉都呢家都驚驚地既事…

   

早早去到個站...排定隊,可以早D上車搵位坐啦!

 

          

穿過呢條隧到...就可以上返車站喇!

 

          

一落車...大霧到哎!

 

          

呢日都好多人呀!!!不過so far D人都算係禮讓!

 

          

落雨濕濕...好難得停一陣...即刻影返幅相先!

 

          

叫到隻貓貓...不過佢之後俾狗狗追...

 

           

呢個悲情城市...真係好悲...咩都睇唔到...

 

   

呢個係一間叫三兄弟的芒果牛奶冰...D芒果唔好味既>.<