我的旅遊日誌 台灣の旅10’第一天 淡水行

其實今次的台北行程,係由阿四負責,不過…都係邊行邊諗去邊到咁啦!我地去到酒店,大約下午三點左右,計過時間,都可以去淡水那邊走走,於是放低行李,去下廁所於是就出門口喇!!!

我地行去台北車站,嘩!!真係估佢地唔到,阿四同豬mei都有悠遊咭,而且仲搵到多兩張,於是我地增值返張咭就可以起程,唔使下下買單程票咁煩…而最正,原來用悠遊咭比買單程車票平架!即刻覺得抵晒!!!

搭左半個鐘多D,我地終於去到淡水喇!不過呢日落雨,所以都有少少唔方便,感恩唔係大雨,所以都OK啦!!係淡水,小嘉的目標好明確…就係要買許義魚酥同阿婆鐵蛋喇!!!我地一行入條街,珍妮佢地第一時間睇下有咩野食,我地食左幾樣野…不過小嘉唔記晒喇=.=,我又無影相,要睇返佢地D相先知食過乜…

一路行一路睇,終於去到許義魚酥間舖喇!小嘉好知癲左咁,一買就買左十包,因為間舖六點半就收,以防萬一,買左先…於是成個淡水遊都好重呀!!!買完魚酥,去左買鐵蛋…只係買兩包,然後行去一間出名食阿給的舖…唔…之前個次黎已經試過,阿給都唔係我杯茶,係豬mei先會覺得好味囉!我反而鐘意食米粉多D!

行下行下,因為落雨,所以都無咩點行得遠,最後行到累,我地入左一間舖食豆花…有芋圓的,唔…呢個就幾好味!!四個人叫左兩碗,食完再慢慢行去搭捷運,下午既淡水遊就完結喇,下一站就係士林喇!

          

一出捷運站...噢!下雨天!不過望落,其實條街有D似鴨寮街喎!

 

 

         

呢間D豆花都真係幾好味,而珍妮最鍾意佢有大大舊芋頭,我就最鍾意芋圓喇!

 

 

   

離開淡水時,可以看到窗外仍有雨水哦!