2010/6/10

我的旅遊日誌 台灣の旅10’第四天 台北-香港


快樂既時間總係行得快人一步,四日台灣之旅到尾聲喇!(平時返工又唔見咁快收工喎!!!),呢日一朝早,小嘉就被驚嚇仲要驚都返香港都有D怯怯地咩事呢??


話說我地豬mei訓同一間房同一張床,我地預定起身時間係朝早既九點三,當我訓得舒舒服服既時候突然好大好大聲好似有空襲既警報訊號響起,小嘉嚇到當堂劈大眼,而我既左手突然俾豬mei一手扯起,跟住豬mei又快又急咁同小嘉講:D走呀!火燭呀!!!小嘉呢刻都以為係地震(D聲太恐怖真係好似新聞打仗個D警報訊號),但小嘉唔見間酒店有郁黎郁去...但望望周圍又唔見有煙喎!


跟住豬mei即刻拎住個膠袋(裡面其實無野得小嘉預備出街著既衫,我地D行李係晒珍妮間房),跟住豬mei拿拿淋話要去叫珍妮,不過佢都話可能係誤鳴,因為佢之前係台灣住都試過


當我地一打開門,已經見D住客出晒黎,我地都見到珍妮同阿四探左個頭出房門而負責我地層樓清潔的嬸嬸就同我地講唔好意思,係佢地唔知推左D咩門定係唔知D,搞到誤鳴雖則無事,但小嘉俾呢個響聲搞到成日都心緒不寧,呢種聲音令人有好想逃走既感覺


之後雖然仲有半個鐘可以訓過,但小嘉都已經嚇到傻傻下,等到九點三起身,我地慢慢咁執行李,梳洗好後就check out!我地將行李寄放好係酒店後,就先去西門町附近的類似國貨公司,呢度都OK多野睇,價錢都平架,之後我地就去西門町,但係好多舖都未開,於是去左謝謝度食早餐,之後就慢慢咁去台北車站地下街喇!!!


係呢度,我地去左D格仔店,又睇下衫咁,阿四又買左幾件返工衫,D款都OK,價錢都唔貴,幾好!之後連珍妮都買左兩件衫,最後我地去左一間食日式拉麵同蛋包飯的舖食午餐喇!


行到咁上下,我地再返去間百貨公司買左幾個鎚仔按摩棒,跟住就返酒店拎行李呢個四日三夜既台北之旅就咁完滿結束


返到屋企,因為上進未放工,小嘉仲係心慌慌,直到上進返黎,小嘉同佢講返朝早警報聲事件,上進就話驚都唔出奇啦!話我有PTSD,傻啦!如果我咁樣驚足半年先叫PTSD,好唔好!不過真係幾恐怖=.=


   


呢個飛機餐又有飯食喇!!佢地三個就只係食包!


 


   


呢個前菜...唔係好味,但又唔難食咁啦!


 


   


呢個豬肉都好好味...好軟!


沒有留言:

張貼留言