星期五落左水泥喇!!!小嘉真的非常非常感恩呢!!因為星期四那天還落大雨,但星期五那日,落P弟家時天只是陰陰的,沒有下雨,到落我們家時,也只是落毛毛細雨!
那天,所有師傅們都讚說天都幫埋一份,小嘉當然知道這些都是天父的安排啦!!而且師傅話這樣毛毛細雨是最好的,因為可以讓水泥慢慢的乾,慢慢的吸收水份.
另外,水泥師傅都不停讚我們家,佢話我們家不單鋼筋多,連水泥都特別靚,佢仲話其實唔使用咁靚既料,是但搵返村裡面用開個D判頭起未得囉,唔使咁浪費錢,水泥師傅一定係見我地用有晒公司有晒管理既承建商,以為好貴喇!!其實,承建商都收得我地好平(所以佢成日都話唔蝕都偷笑喇!!),因為B君佢都係俾面A小姐去接我地個工程,所以真係好平囉!
終於,上進爸媽開始覺得我們家的quality是好的…鬆一口氣!
而係星期五落完水泥後,墨斗王師傅就畫左線,星期六那天超級勁大雨,小嘉心諗都應該無師傅開工,所以都好遲先返去,點知…扎鐵師傅一早就開工,D雨大到好似沖涼咁佢都照做,後來見到T判頭嚟左先知,原來一定要係星期六返嚟拆木板(牆那些),因為如果唔拆之後就好難拆,其實呢排D師傅都好落力趕工,無論係星期日定係端午節都繼續做,嚟緊七一都一樣照開工,暫時預計最後一層的水泥會係七月七、八日左右落,好期待呀!
影左好多相,不過都Set左朋友先睇得架!所以記得log in喎!!!
(如果未係blog友,就留言啦!!!)
好在星期五落左咋......如果星期六先落就慘.....果日大雨到呀 !
回覆刪除[版主回覆06/28/2010 14:54:00]係呀!!真係超感恩...判頭同D師傅都話星期五落,個天氣好pefect,咁星期六落大雨,又係一個感恩既地方,因為落完水泥要keep住落D水去keep佢慢慢乾!!
我地冇廚櫃....只有爐灶和鋅盆下面 D 門板......廁所都係洗手盆下果個柜咋.....不過都找左名將做廚櫃.....
回覆刪除[版主回覆06/29/2010 22:30:00]咁石尿爐灶會好堅固... 你搵名匠定名將??我見有網友話名匠好有問題....你要跟緊D呀!!!