我的旅遊日誌 台灣の旅10’第一天 士林行

去完淡水,我地就直踩去士林,行到佢士林夜市隔離的街,第一檔就係賣生果,珍妮望望下就決定買左一包菠蘿同一包荔枝…唔,呢檔其實唔平囉,不過叫做試下咁啦!之後豬mei一個箭步去一間買袋的舖,佢一手就拎左一個袋…原來呢個袋佢之前睇中,不過無新貨,於是今次又再問問…點知…都一樣無新貨…唔…咁樣即係呢個袋擺左係度好一段時間都買唔出囉??!

去完包包店,我地繼續行返去條街度行,因為落雨D鞋有D濕同阿四想買D返工鞋的關係,所以我地一路行一路睇鞋又睇下衫咁…去到一間舖有好多鞋都係98台幣一對…咦!小嘉都買左一對藍色的拖鞋哦(小嘉的favorite color就係藍色囉!!!),而阿四就買左兩三對可以返工既鞋,佢都係幾百蚊台幣一對…我諗都算平掛???

睇完衫,繼續周圍行,小嘉仲買左兩隻蝴蝶的橡筋添!行到肚餓,我地一心諗住邊走邊食,點知叫到有一間日式火鍋店,好似好OK咁喎!而且仲好平,一個鍋都係140台幣,計返都係35蚊港幣咋!!我地入到去,叫左兩個鍋,食到好滿足,之後就再周圍逛逛然後就返酒店,不過…我地返去前都去左七仔買左茶葉蛋同一D小食,以防返到去肚餓嘛!

 

   

我都有少少心思思想試紅色芭樂...不過最後成個台北遊都無試過...下次再去的話,再試先!

 

   

其實都有好多生果...呢家個姐姐就整緊我地袋荔枝囉!

 

          

呢個有鍋又有椒鹽雞...都係140蚊台幣,超抵!

 

   

呢個係海鮮鍋...台幣100蚊咋!

 

          

同珍妮影合照...我拎對筷子都好似正常D,珍妮仲乜拎住個匙呢??