繡多兩日…有返少少唔同喇!!!可以見返隻腳仔唔係咁無啦啦出現!!!呢度主要都係coffee色的繡線…,不過講返,呢幅作品黎講,小嘉最怕係用冷線黎繡,但係偏偏要用好多,總之隻隻天使翼都會用到,隻冷靚就靚,但係用過幾次後,發現要剪到短短咁用,就算眼見一大個範圍係用呢隻線,小嘉都只係剪30cm長度左右黎用,因為佢好易,超易將D毛毛磨甩晒係前段…去到尾尾時,就得返D好幼的線,而D毛毛就無晒,搞到隻天使翼有D地方毛毛好豐滿,有D地方就好似甩毛咁=.=
而另一個怕怕位,就係繡mill hill beads喇!其實唔難繡,但最怕係一連幾排都每個格要繡一粒,因為其實粒bead的size係俾個繡格大,如果隔住隔住咁繡就好咩事,但如果個個格都繡,佢地就會自己迫到有D上下排咁...好在,多數都係隔住咁用,係少數有D位會連住.
見到少少腳仔上面...
近睇會清楚D...
黎過全身照....
其實呢幾日進度良好...開始繡緊塊面仔喇!!下次pose應該會多D野睇喇!!!
我都鍾意玩十字繡!!
回覆刪除[版主回覆06/21/2010 10:34:00]咁你呢家有無繡緊咩呀??
哈哈!!玩十字繡會上癮架!!我仲不停買不停買好多繡布呀,圖呀,線呀咁...我覺得呢家要個不停繡三十年都繡唔完呀!!!
你見唔見我張profile picture呀, 都係十字繡黎架!
回覆刪除[版主回覆06/21/2010 14:40:00]嘩!!!係喎!!!好靚呀!!
我初初"立眼",以為係個D漫畫相,原來係十字繡!!!!我都有諗過用相做十字繡圖...不過肯定要繡超耐呀!!!
你呢覆繡左幾耐呀??
我唔係好記得喇, 我唔係不停咁整, 有時夜晚一路睇電視一路整, 我估3個月度啦~
回覆刪除而家我冇咁多時間喇, 因為要湊住個女, 以前就可以整下手作仔, 遲D等佢大個女, 可能我會再重拾呢D興趣!!
[版主回覆06/21/2010 15:31:00]嘩!!3個月就繡好...好勁呀!!
我而家呢幅繡下停下(因為中間搞結婚野),都繡左半年先有呢個進度咋!!!!
媽媽係好偉大呀!!為左囡囡咩都願意牲犧啦!!!不過遲D佢讀書,你應該會多返d自己時間...我就要襯有BB前,繡多D作品先得!!!