我的旅遊日誌 台灣の旅10’第二天 五分埔&饒河夜市

第二天,因為酒店早餐只係供應到十點,所以我地九點左右起身,九點半去到酒店頂樓食早餐…實在呢個早餐都無咩特別,好台灣,無腸仔,不過有好多醃菜…好似筍呀、青瓜呀、菜呀咁…最搶手係蛋餅...

食完早餐,我地就打算係台北車站地下街行一陣,然後就向五分埔出發.我地大約十點九左右去到台北站的地下街,有無搞錯????!D舖好多都未開,行左一個圈都係無咩野睇…勁無奈下入左八方雲集度叫左三隻鍋貼同一杯豆漿…食到十一點左右...再望望…D舖都仲係有好多未開,於是慢慢行下D開左的店,最終決定過去西門町行下,臨離開個地下街時,終於買左一包芭樂食…好好味呀!!!去到西門町,第一時間去左watson’s幫yarei買一D化妝物品,臨走時發現一個超搞笑的廣告poster,原先個poster係賣緊一D護膚品,但有人貼左個假眼睫毛落張poster度…超搞笑…但又幾恐怖咁!

之後,我地搭捷運去到松山站,然後就去到五分埔,之前個日豬咪同阿四都講左呢度係買衫,佢地話有D似長沙灣同深水po咁,去到一睇,嘩!嘩!嘩!真係一個巨形版的長沙灣批發市場…不過,佢地可以零售.

入到呢個商圈,佢地三條友仔非常忘我咁shopping,我就跟住行行企企,其實D衫係未真係平過香港我又唔知,唔…好似一D背心,都靚靚地,大約港幣25一件,而一D lace衫,大約港幣75至125左右,已經有超多款揀,D款同qualigy都OK既!我諗都算平…行到兩點幾,小嘉已經腳都跛…終於去左一個叫鬍鬚X的舖食魯肉飯,之後又返轉頭再行過…嘩!!我對腳真係痛到人到癲…如果佢地有D地方可以俾人行下坐下,咁就會perfect好多喇!

行完五分埔之後,就行過幾條街去到饒河夜市…呢度大過士林好多,好熱鬧,去到我地先買左幾隻炸蟹食…不過好似淡淡地,無咩味…然後我地一路行一路睇野食野,豬咪買左炸番薯波,又玩左彈珠,行過見到一間鐵板燒的舖,佢有D似我以前係尖沙咀食過既舖…但個次我食一個set要成二百蚊左右,呢度食只不過係140蚊…仲要係台灣咋!!!所以我地就係度食左個晚餐…食完後,行左陣,我地又去左食冰,都OK好味,食完就走喇!臨走前去左另一間檔再買過炸蟹同炸大頭蝦…

返到酒店,我地即刻食埋呢堆蟹同蝦…唔…呢檔好味好多!!!然後我地就努力執好D包伏…因為第二日一早去九份,同埋…因為無四人房,所以要轉房,要將D行李寄放係store room喇!

 

 

   

係台北車站地下街...佢兩條友仔夾左兩個公仔!

 

          

好搞笑又好恐怖既假眼睫毛poster!

 

   

出發前往五分埔...好辛苦自拍四人照...

 

   

一行到去饒河夜市的第一檔就買炸蟹喇!!D炸蟹一斤唔記得幾多錢,不過可以一隻隻咁買!

 

   

好多隻炸蟹!!!

 

   

呢個炸蟹...個樣OK,但味道就淡淡地!

 

         

呢個彈珠好搞笑...無支棍俾你拉,係要人手用間尺將粒波子彈郁!

 

         

呢個鐵板燒既味道都幾OK!係珍妮鍾意食既口味!

 

         

其實就咁望,個夜市都有D似廟街咁!