到左夜晚,個裝係全日最濃既!因為行完禮去到大舞台都已經成六點幾,所以無時間洗乾淨塊面再由頭化過,於是,yarei就要係原先教堂妝到唔知點樣搞變成晚宴裝喇!
因為之前試過參加過婚宴,新娘換裝可以用成半個鐘,實在太誇張,小嘉反而想想多D時間同朋友影相,好過浪費係換妝度,所以換裝時間都係得個十零分鐘.所以眼影的顏色要由淺去深或者係加D另外效果,而髮型就唔會個個一樣,不過唔會做大改動…尤是小嘉結婚前俾個髮型師剪到D蔭超短,想做多D效果都唔得…不過都好靚呀!!!
小嘉晚宴總共有迎賓裝,婚紗,敬酒同送客四個造形,
呢個係迎賓裝...頭飾放係左手邊
個妝其實唔係真係好濃,影相效果就剛剛好喇!
跟住就係march in時間,著返套婚紗...隻眼既顏色改左喇!
而髮型就戴左個小皇冠,頭髮扎起後有一條小尾尾留返落黎...正面睇都好elegant,側面睇就活潑返D喇!
敬酒小嘉著返褂,因為套褂顏色搶再加大舞台個環境好暗,所以eye shadow的顏色都揀返sharp D!!!
因為著褂,自然都係扎起晒D頭髮啦!!加埋呢個頭飾,真係超絕配呀!!!個日超多人讚呢!
最後送客裝,eye shadow上加了很勁的閃閃效果(係相難看到...總之超靚啦!!)
至於髮型呢,今次個頭飾放左向右手邊,本身初初試妝,想將前面頭髮做少少飛起好飄逸效果...但係D前蔭俾髮型師剪得太勁...做唔到囉!
真係好感恩,因為當日yarei不單要幫我化妝,亦都係一名雜務…因為全家人最有紋有路係佢,成日都眉精眼企,所以縱使要幫我化妝,我都仍需要佢幫手執頭執尾,仲要同埋D姊妹,媽媽,奶奶化妝…
講真,小嘉自問無咁既心機做呢類工作,聽過細妹講,佢有D客真係要佢做埋阿四咁,又要幫手執野,可能斟茶時又要講下D喜慶說話,影相時都有時出下聲幫忙執靚新娘新郎個樣,又要睇頭睇尾…不過佢有興趣,當然唔覺辛苦啦!!比著我…唔…我寧願自閉十個鐘係屋企繡野好過喇!!!
沒有留言:
張貼留言