我的旅遊日誌 台灣の旅10’第一天 香港至桃園機場

第一日,我既上機時間係11:10,而珍妮佢地就10:00鐘…但因為佢地要早D去check in confirm有機位,所以…小嘉好早好早就要起身…早到朝早五點八起身,六點出門口…大家約左八點係機場gather,點知…七點幾就到喇!!好在,佢地都同我差唔多時間去到機場,唔係實悶死!

因為佢地早我成個鐘去到台灣,為左慳返D時間,所以我將行李都俾埋佢地寄艙,咁我就唔使係台灣等埋行李先出閘啦!等佢地check in 完,小嘉都諗住check in左先啦,咁可以早D入去裡面睇...其實個時都係七點半左右,點知...長榮個counter都未開,咁我地就去食早餐先啦!!好喇,等到八點三左右...噢!!個counter都仲係未開...但佢俾我D資料明明寫七點半開...好啞...於是再行行,終於係八點半多D...見到港龍的地勤開counter喇(因為長榮係香港無地勤,所以由港龍做喇!!!)...唉!小嘉終於可以check in喇!

行黎行去,終於到佢地班機boarding喇!小嘉送到佢地去閘口,然後慢慢…慢慢咁行去自己個Gate度,係呢個無野做既時間,小嘉就坐埋一邊發呆…

終於等到十點八可以上機喇…不過…呢個時候實超多人扑到去上機,所以小嘉都慢慢黎,還掂我只係揹個背囊,無咩特別hand carry要放係機到…所以…尤得D人自己爭(無錯…D香港人好鍾意爭上機,然後鬥快放D野上個箱度!),當小嘉上到機,坐好後,就開始第一次自己一個人搭飛機喇!

雖然飛行的時間只有短短的一個半小時左右,但一樣有lunch serve喎!呢一餐就有curry chicken喇!等到十二點十左右,飛機終於到達桃園機場,小嘉立刻行去做arrival的手續,不過…剛好撞到前面有一大團大陸旅客,所以都等左好幾個字先可以做到入境手續,完成手續後,因為唔需要拎行李,所以直踩arrival hall,出到去就見到珍妮同我揮手,原來係arrival hall有個電視影住入面D旅客,呵呵呵!!佢地仲影到我行出黎時個樣添!

跟住我地就立刻買車飛,一點半就開車出發去台北我地住既酒店喇!!我地住個間酒店個名叫金財神…好老土呀個名!!!不過,無法啦,要平又近,係差唔多喇!還掂除左訓之外,都唔會點樣係酒店到,所以乾淨,企理就OK喇!

         

差不多每次旅行指定動作...影返自己班飛機的time table!

 

   

小嘉就係坐呢班飛機喇!!!可以見到gate no.都未出...

 

          

長榮無論架機,機票定餐具...都係綠色!

 

          

長榮好搞笑...如果你買左票,可以係飛機一百日前揀定座位,其他airlines多數都係48小時前...所以小嘉揀位時都好full,不過都俾我坐都窗口位!

 

           

高空一萬呎...台北,小嘉黎喇!!!