之前都提過,L小姐係內地識朋友可以用出廠價買金朝陽的磚,但因為網上面對呢個牌子的磚的評論好壞參半,所以上進都係決定只用中國十大名牌的磚,而L小姐可以試下問佢朋友會唔會拎到冠珠/薩X特的磚.
但係噚日返去做節時,L小姐認為金朝陽都係冠珠個廠出,同一個窟出,所以品質應該一樣,而佢都話佢姐夫最近裝修,係用十大名牌,但係D磚都一樣有不平的情況,所以佢覺得十大名牌唔代表一定好咁!所以佢地應該都會搵返金朝陽喇!
見到咁既情況,上進同小嘉一路返屋企一路傾,再開返電腦望下個quotation, B君其實計我地每呎磚係$25,而佢會俾我地係磁磚王都揀磚,因為我地二樓同三樓都會鋪quickstep,所以呢家計落,其實成間屋室內磚的價錢都係三萬幾…
我地係度諗,連自己係內地人又係十大名牌都一樣會有問題,更何況我地外行既香港人呢?而且係大陸買磚,一來要預多,二來又要自己安排運輸(呢度要一提…L小姐想我爸爸幫佢載返香港…但係要報關架…就算 一兩 件都唔好哎…更何況一箱兩箱咁車落嚟…我唔會為左慳錢而叫嘉爸冒險囉!),我俾盡你慳到一半…都係萬幾蚊咋!
但係之前B君同我地傾過,基本上係磁磚王度揀到既磚都會計我$25尺(當然唔包括個D雕刻啦!不過B君話可以送一兩塊俾我地!!),我去睇過,有D磚要成四五十蚊塊,但係B君都一樣計$25,而且磁磚王係香港公司,又賣過俾唔少大型公司且同政府,而最最近要係將來有咩問題,B君個邊可以直接同佢deal…
於是…如無意外,小嘉同上進都會揀返磁磚王啦!
沒有留言:
張貼留言