婚禮第六章の我們的化妝師 MUA @ yarei tang II

係婚禮前,小嘉憑住特殊關係,所以試過好多次妝,唔同的顏色,深淺.原來變化可以好大…小嘉不嬲都知自己係美人一個(呵呵呵!!!),但係化埋妝,簡直係無得頂呀!

除左化妝外,yarei仲一腳踢埋髮型…試過好幾款,小嘉都唔鍾意有D頭髮流落黎,鍾意全部扎起,但就算扎起都要有唔同的款式,呢個就真係MUA自己解決喇!!我只會坐享漁人之利啦!!!呵呵呵!!!

   

後面D伯伯...俾下面...笑下哎!!

 

   

見到屋企人黎,喪揮手的小嘉!

 

    

踩到夜晚,個妝都仲OK,黑麻麻咁影,都仲係咁靚女!呵呵呵!!

 

到左大日子個日,朝早出門,今次就唔同喇!因為真係結婚,咁緊係要有咁搶得咁搶啦!不過…搶得黎到唔好搞到夏惠姨咁…我唔要做白臉人架!!

所以朝早的出門褂妝,係sharp醒的紫色,嘴就近唇色的紅色…好鍾呢個妝,唔會好濃但都見到D色…仲要喊完都仲可以睇到五官係返度,勁!

其實褂妝都幾難搞,因為套褂本身好紅,如果化得太淺就好面青青咁,但化得太濃就會好老土,感恩,個妝都好好,因為褂裝可說係全日影得最多相咁濟(因為朝早多野做…),所以影左既相都超鍾意!!

而個髮形呢,就係扎起晒得黎有D鬆鬆地既感覺,而頭既兩邊都插左D鮮花(緊係要用盡佢啦!!賣左D鮮花唔用超浪費架!),一邊係大大朵既桔梗,另一邊就係粉紅色小牡丹,所以無論任何角度,都唔會話個頭好dry咁!!

            

一朝早就精神奕奕咁去化妝...之前個日成功十一點幾訓左lu!

個妝比較暗時會深色D...但一出街外就淺色好多喇!

 

             

成個頭夾好多夾...好似花師奶平時係屋企呀!

 

   

點解好似有D眼紅紅鼻紅紅咁呢...喊完黎囉!

 

   

係右手邊有大大朵既桔梗...好靚!

 

   

間唔中要補下妝!

 

   

另一面就有小牡丹...好鍾意呀!!

 

            

後面睇都一樣見到D花花...同埋有少少花紋...唔好意思..企太耐,太累所以要扠腰!

 

   

側面睇一樣咁美麗動人...

P.S.細心留意,會發現小嘉無一般新娘用的松柏葉…因為…小嘉覺得老土囉!呵呵呵!