我的旅遊日誌 台灣の旅10’- 前奏

今次呢個台灣之旅,其實決定得都幾倉卒,事關阿四佢畢業後,終於俾佢搵到一份自己心目中的工作,於是,佢就黎個正式脫離學生身份前的最後旅行,所以係好短時間內,佢地(包括珍妮同做空姐的妹妹豬mei喇!另外yarei因為無假同早幾星期前先去過…所以無份囉)就決定係4/6至7/6去台灣〝反〞喇!.

小嘉係決定去之前,真係非常的心大心細呢,因為一來vacation leave唔多,二來小嘉間屋仔應該係呢幾日落水泥,所以都煩左一兩日,不過最後都係決定去,因為可以同家人去旅行既機會唔多,所以去到就去啦!!!

首先,小嘉就同公司拎左兩日假,然後就開始張羅機票喇!因為珍妮同阿四都有職員的特惠tickets,所以佢地就一定會一齊去喇!但小嘉係website度check過,嘩!坐Cathy去台灣唔計稅都要成$2,480!好貴呀!至於港龍就有$1,480的ticket,不過朝早的時間都full晒(除非俾多五六百蚊,就可以有朝早喇!),左度右度,都諗住坐港龍中午機時,突然個腦閃一閃…試下睇睇長榮先!噢,$1,100的十一點機就full晒,但係$1,3XX既就仲有位,於是小嘉就決定坐長榮11:10的機喇!tickets w/. tax etc.,盛惠$1,700左右!

至於其他酒店呀,車呀等等,就交俾名符其實既阿四去諗lu!

小嘉要出發喇!!!!

後記:

小嘉超感恩,當我還左煩惱要唔要去台灣時,小嘉就左一切煩惱交給天父,將我們家的工程都交在主手中,聽落好像好微小的事情,但天父就是喜歡我們凡事依靠祂,或許結局並未如我們想像的,但有誰又知天父的安排,天父講過…凡事藉著禱告,祈求和感恩,祂必賜我們意料之外的平安!當小嘉一心諗住屋仔已經落好水泥,會miss左見證水泥的一刻,點知!!!因為工程較複雜和同時兩間一齊開動的關係…所以水泥還未倒哦!小嘉仍有機會看著屋仔的長大囉!!!!