其實之前我地無咩特別款的婚介想要,只想找一些簡簡單單來有些少特別的款式,但搵黎搵去都無一對介指合我地心意,去過周大褔,周生生等大金行,多數都係D穩打穩扎的款式,真係同人撈亂都唔知.
睇過Cartier,又睇過tiffany,都係揀唔到, 於是都係上網睇下,咦??!!見到有一個牌子叫Regalo,原來係一個日本的牌子,由周生生做香港代理…佢特別之處就係可以係係介指邊位做90度的刻字,聽聞得佢地呢個設計,仲要係日本先做到…
於是小嘉直上佢地個網到研究研究…
好得意架…首先,我地可以自己揀咩物料..好似金,銀,鉑金,etc.,小嘉同上進就揀左950鉑金…然後,又可以揀隻介指的橫切面係圓形定係方形,我地就揀左方形…又可以揀介指的表面花紋,有動物紋,有磨沙,有光滑,等等..小嘉揀個隻,好難形容…
我地又可以決定要唔要鑽石,我同上進都係介指面做左一粒,然後就可以寫低自己想要刻的英文字…
唔好以為咁就完喇!仲有裡面架!!!裡面都可以鑲紅寶石/藍寶石,雖然人地睇唔到,但好得意,所以小嘉個隻裡面有粒藍寶石,而上進就係紅寶石…而係對介指裡面仲刻左Emmanuel(以馬內利)同埋我地結婚的日期…Emmanuel的意思係..神與我們同在..好正呀!!!
我地係周生生訂完隻介指後,等了一段時間就拎得,一見到真係超鍾意…好喜歡哦!
婚禮時,教堂已做了聖誕佈置...在這樣的環境下,婚介也拍了美美寫真啦!!!
隱約可以看到我們的名字哦!!!
喂, 講你都唔信呀..有無咁橋呀....
回覆刪除我當年結婚...都係擇... Regalo 呀.....
http://hk.myblog.yahoo.com/jobechan0911/article?mid=385
真係有眼光呀 .....哈哈...(其實係想讚自己 )
[版主回覆06/12/2010 14:50:00]好明顯我地兩個都係超有眼光的人...大舞台又一樣,介指都一樣!!!!勁呀!!!!
我結婚時都有諗過用 Regalo 架, 不過太貴, 最尾都冇揀佢 佢o既90度刻字真係好特別!!
回覆刪除[版主回覆06/14/2010 19:40:00]都有D貴...不過同老公揀左好耐先揀到呢個牌子...所以...老公滴住眼淚和血咁去買架!!!
果然好特別又靚靚喲!!!
回覆刪除[版主回覆06/14/2010 19:41:00]我地以帖要影返幅齊人的介指合照呀!!!!
物輕情意重~~
回覆刪除[版主回覆06/18/2010 09:25:00]係呀!!有時唔需要好貴重的物品....最重要係當中既意義!!