My Lovley Home の Day 65 (02 June 2010) Part II

講返噚日…有兩個師傅黎開工,不過…開左一陣就走,因為落雨囉!不過呢個都係無辦法啦!!!

到左放工,就約左上進係timesquare度gather,然後行去B君的公司,哈哈哈!!我地行黎行去,搵唔到條街的號數,點知突然有人叫上進,原來B君咁橋行過見到我地,於是我地就一齊返去公司度喇!

坐低左後,B君的同事就開始print返D圖出黎…有則師(即係A小姐啦!!!)最後confirm的建築圖,又有e/m layout.當我睇到D圖時,好想叫B君第日留份俾我做紀念…點知B君就話,遲D佢會俾返一份佢簽左名的圖我地,當係正式入則的圖!

B君都笑話,佢估全香港無一間村屋,會好似我地咁有咁professional的圖,呢個我都贊成,因為基本上D丁屋都係定左某一款式…B君仲話,我地個則勁到入BD(即係屋宇署)都會批,當然啦!我地呢D村屋係唔需要入BD既!B君都話,應承我地做既佢都會做好…(超感恩…天父安排了一個好好的承建商俾我地…最最感恩,大家都係Christian嘛!!!)

好喇!我地傾完一陣就開始講返間屋喇!唔…原來我們家的喉都會做一個薄薄的磚牆將佢收起,咁樣睇落成間屋就會好neat,好靚…不過,如果要維修的話,就會麻煩D…因為要整爛個磚牆先可以睇到D喉嘛!雖然係咁,但小嘉同上進都接受到…靚嘛!同埋俾我想像好好多喇!我初初以為會埋係D外牆同地下咁架…原來唔係…所以都OK啦!!!

另外…嘩!!!消防設施個價錢真係好貴呀!上進都會問問一個親戚,睇下會唔會有平D的價錢啦!!!唉…好慘呀!!!

B君同D君大約講左成間屋的建築設計後,就同我地講返間屋的e/m喇!!噢!!!原來我們家要每一定空間就要裝煙霧感應器…好似人地酒店咁,有粒紅燈閃閃下個D呀…不過,法例規定,無法啦!!至於D燈制同sockets位,我地都go through 左一次,係大家一齊討論再幻想個真實情況,有d燈制位都會改動少少…至於sockets…真係多到爆,不過預多好過唔夠啦!!!

地下的TV.電話同AC線等等都會做地下的socket,而冷氣位都定晒…A小姐Design會將所有分體冷係既喉都會俾D櫃等等收埋…所以唔會有D喉外露…

再問返B君,佢估計大約兩星期後就會揀磚喇!呢 家A 小姐已經同一位叫J先生傾緊廚櫃同廁所的設計,之 後A 小姐就會諗個interior design.我地都係等佢Design完先去睇磚啦!!

呢家估計星期日/前倒水泥…唔知D師傅會唔會星期日倒啦!!!不過,小嘉就應該睇唔到喇…因為要去台灣囉!!!惟有等二三樓時先再睇過啦!!!

噚晚同B君傾完後,小嘉同上進都超期待間屋的完成呀!呢 家B 君估計十一月會拎到滿意紙,咁我地就估計十二月中左右搬入去住…希望可以快少少啦!

小嘉’s reminder:

Check check e-mail,B君話會send最update的建築圖同e/m圖俾我地!