好靚好靚好靚既頭紗!!!
當向前行時,會慢慢的跟在拖尾後!!
側面看,無論婚紗還是頭紗都好好好好靚呀!!!!
多謝ah yee同車厘子借我的手帶...超漂亮!
2010/6/30
婚禮第九章の我們的婚紗禮服II
點解要感恩呢,因為事緣小嘉之後係janny wong度租晚裝,見到janny的婚紗都超級無敵靚,如果唔係一早買落,我都會係janny到租埋,不過小嘉原先買的婚紗都好靚,所以就忍手唔再租…但問題係個頭紗真係好唔得囉…於是小嘉就同janny另外租一個頭紗喇!!!
係第二fitting時,小嘉拎埋自己套婚紗俾janny睇,janny一睇都話唔錯,佢仲即時數到真係有用到swarovski的水晶去繡落D lace度,聽到janny讚,我個心都安心晒…
因為套婚紗的拖尾超長…有成180cm,而小嘉因為行教堂,都想配一個長長的頭紗可以更加靚…於是,janny拎左一個長頭紗俾我試…嘩嘩嘩!!!個頭紗剛好長過拖尾少少…好靚的lace,而且最感恩係頭紗上的lace 花紋竟然同婚紗本身的lace係差不多一樣…簡直係絕配呀!!!
Janny好搞笑咁話真係唔抵,因為佢個頭紗令到我成套婚紗靚左超多,呵呵呵!!!由於要改窄套婚紗,小嘉就將套婚紗留左係janny到,直到結婚前兩日先拎…哈哈!!!janny話收我改衫費收得太少,因為原來我套婚紗好難改,要拆晒再縫,不過真係好感恩俾我搵到一個好的設計師…我行完教堂,有好多人都讚我套婚紗同頭紗超靚!!!!哈哈哈!!!!
P.S.婚禮那天,除了靚靚的頭紗外…還謝謝以斯帖的姊妹們ah yee同車厘子,當日全靠佢地借我手帶,先令成個look更加perfect架!!!婚禮第九章の我們的婚紗禮服I - photos
這條泡泡裙真係幾靚!原先係廣州買佢連埋個紗鋼,但係小嘉唔鍾意成條裙脹起晒,呢家咁反而仲特別啦!!!呢條婚紗...盛惠人民幣...300大元咋!!!
而上進呢套衫係有D絨的感覺,不過相太細唔清楚啦!!佢成套盛惠...人民幣780大元囉!!
小嘉身上的短裙,係yarei提供既,而上進呢套白色禮服,其實都幾型架,佢質地有D令令地,再加個少少誇張既襟章,所以正式個日...最後都係揀左janny wong既禮服行禮...驚型過頭呀!!!
上進套衫一樣,盛惠人民幣780大元!
呢套婚紗,小嘉真係超鍾意呀!!!好grand好靚呀!!!而上進身上的禮服,就係janny wong度租...條褲仲用左佢個名命名添!!!
婚禮第九章の我們的婚紗禮服I
由於小嘉係搵terry影相,唔係幫襯婚紗店,雖則yarei都有D婚紗同晚裝提供,不過小嘉都想再睇睇會唔會有D又平又靚的衫可以影相兼結婚時著.
於是,yarei就熟門熟路咁同埋terry,上進同我一齊返廣州睇喇!!嘩!原來廣州有好多婚紗舖架…仲要都幾平…至於質素就相等係香港租的衫的價錢…不過有時都會有意外驚喜啦!!!
我們留左係廣州兩日一夜,係超辛苦的情況下買左三件晚裝(晚裝遲D講詳談!!),一件泡泡婚紗…而上進都訂造左兩套禮服…一套grand的黑色,另一套係有少少搞野既白色禮服.
其實當時都睇唔中心目中的婚紗…心想都係要係香港租…點知!!廣州都有D 較grand 同high class的婚紗店,小嘉入左一間叫奧麗莎的舖…嘩!!入面D婚紗好靚呀!!其中有一條我同上進都一齊睇中…超靚…不過係無拖尾…點知個店長話剛剛有客訂左一條做左長拖尾,打算寄去歐洲(佢地出口婚紗去歐洲的)…好好好靚呀!!!
一問價錢..$3XXX人民幣…點算呢…真係好鍾意好靚…佢D lace唔係個D好服唔靚個D.係超柔滑架!!!係咁既情況下…小嘉訂左喇!!!而間舖超有交帶,佢真係做好同寄之前都有打電話同send e-mail話我地知…收到件婚紗個日…開心到不得了…
不過可惜…因為個頭紗勁唔夾套婚紗…點算呢…2010/6/29
婚禮第八章の我們的教堂…詩歌篇
對於婚禮內的詩歌,小嘉有某程度上的要求,由其是詩班和民歌組獻唱的詩歌…因為小嘉話晒都係詩班員,梗係想揀到做好啦!!!
首先,係聽過無數的詩歌後,小嘉決定搵詩班笨(哈哈),往常詩班只獻一首歌,但小嘉就安排左兩首詩歌俾佢地唱,首先係一首超有難度的英文詩歌…As The Bridegroom to His Chosen,呢首歌真係練到佢地好辛苦,因為不停變調,和音又段段唔同,仲要有D位好高音…但呢首詩歌真係好有意思同好動聽,所以…辛苦晒喇!!!
第二首詩班獻唱既係簡單D的詩歌…是你最重要,小嘉第一次聽呢首歌就差不多決定會揀佢,因為佢D詞寫得好好,因為在我們家中,沒有什麼比天父更重要,如果沒有天父,便沒有愛了,沒有愛又何來有家呢??所以小嘉就揀左呢首歌喇!!
至於揀比民歌組的歌,小嘉就聽過好多首先揀到…講起呢首歌就比較特別…小嘉係睇過D詞覺得非常好,但首歌都無聽過咁濟就揀左喇!!呢首就係…你令我們懂得怎樣去愛,當民歌組的弟兄同我講呢首歌原來幾難唱時,小嘉都滴晒汗…因為小嘉真係無乜點聽過,原來呢首歌的拍節唔係好平均咁,所以比較難數…
但係呢首歌真係令我好感動,最令我意想不到係…婚禮當日獻唱時,民歌組唱到最後一句時 …琴音伴著心飄,此刻感覺凝住了,知道眼前人,是我深深所愛,是你令我找到真愛…楊傳道的太太竟然走到我們面前,捉住我地對手唱呢句…好感動呀!!我和楊太都狂流眼淚…好感謝天父賜給我一班很愛我的弟兄姊妹哦!!這個一幕情境,小嘉永遠都唔會忘記架!!!我們未來半年的家...
又要煩喇!!!我地呢家租住既地方,係上進既同事,咁其實之前都知佢有意將間屋賣左去換間大D既屋,不過一直都未有行動,但係噚日個同事同上進講,佢已經去左地上度放盤喇!!
噢!!我諗都好快會有人嚟睇樓,咁就好快會有人買.於是問題就嚟喇!!!!!!!!!!!!
首先,如果新業主肯用呢個價錢再租多俾我地半年就係最perfect啦!但如果佢唔肯又或者加租,咁我地就搬走喇!但係搬去邊好呢???
本身諗住返去上進爸媽度住住先,還掂又可以睇住間屋仔長大,但問題係小嘉忍受唔到個廁所係屋外,所以上進家就可能要提早改地下間房做廚廁喇!但係...改左後,宇爸媽瞓邊呢???發現原來無晒房喇!!!咁即係唔work啦!
於是…呢家小嘉心裡只有兩個方案…
1. 係我們家未搞掂前,就上進住返上進家,小嘉就返自己家住,但呢個方案,上進好似唔太欣賞…
2. 就係…租service apartment喇!!但係…搵搵下,都唔平喎,我地又要係港島區(新界的話太遠…),本身見紅磡horizon hotel好似幾好,不過同事話交通超唔方便喎…但D租平D..
呢家…小嘉繼續搵定資料.上進大安旨意咁話到時先算,但小嘉都要有兩手準備,萬一到時真係要搵,都有晒資料哎!
小嘉將我地兩個未來半年居住地方,都交託給天父的帶領.
2010/6/28
My Lovely Home の Day 88 to 90 (25 to 27 June 2010) ... 二樓都落左水泥lu!
星期五落左水泥喇!!!小嘉真的非常非常感恩呢!!因為星期四那天還落大雨,但星期五那日,落P弟家時天只是陰陰的,沒有下雨,到落我們家時,也只是落毛毛細雨!
那天,所有師傅們都讚說天都幫埋一份,小嘉當然知道這些都是天父的安排啦!!而且師傅話這樣毛毛細雨是最好的,因為可以讓水泥慢慢的乾,慢慢的吸收水份.
另外,水泥師傅都不停讚我們家,佢話我們家不單鋼筋多,連水泥都特別靚,佢仲話其實唔使用咁靚既料,是但搵返村裡面用開個D判頭起未得囉,唔使咁浪費錢,水泥師傅一定係見我地用有晒公司有晒管理既承建商,以為好貴喇!!其實,承建商都收得我地好平(所以佢成日都話唔蝕都偷笑喇!!),因為B君佢都係俾面A小姐去接我地個工程,所以真係好平囉!
終於,上進爸媽開始覺得我們家的quality是好的…鬆一口氣!
而係星期五落完水泥後,墨斗王師傅就畫左線,星期六那天超級勁大雨,小嘉心諗都應該無師傅開工,所以都好遲先返去,點知…扎鐵師傅一早就開工,D雨大到好似沖涼咁佢都照做,後來見到T判頭嚟左先知,原來一定要係星期六返嚟拆木板(牆那些),因為如果唔拆之後就好難拆,其實呢排D師傅都好落力趕工,無論係星期日定係端午節都繼續做,嚟緊七一都一樣照開工,暫時預計最後一層的水泥會係七月七、八日左右落,好期待呀!
影左好多相,不過都Set左朋友先睇得架!所以記得log in喎!!!
(如果未係blog友,就留言啦!!!)2010/6/24
My Lovely Home の Day 87 (24 June 2010) 明天落水泥喇!!!
哈哈!小喜好似未試過咁夜先黎寫blog…無法啦!上進今晚去左反,小嘉又無返娘家,無野做,自己一個睇意大利對斯洛伐克又悶悶地喎,於是update下今日暫時知道既進度先!
因為上進未返,唔知呢家我們家搞成點,不過頭先B君已經打左電話俾上進,確定聽日會落水泥喇!所以小嘉聽朝一早就要撲返入去,今次唔知會落到幾點呢??
上次九點幾開始,落到下午二點幾就七七八八,聽日就唔知喇!!唔…黎緊呢幾日行程都好充實喎!!星期五就睇落水泥,夜晚就學樂理,然後就詩班練習,星期六就返去望望進度，之後就同A小姐傾室內設計,接住夜晚就會同賣地俾我地個親戚食海鮮,星期日一早返教會上主日學,然後崇拜,然後就同以斯帖gathering喇!!咦!超感恩,因為寫呢篇blog,小嘉醒起要帶魚酥同以斯帖分享呀!!即刻拎返先…
婚禮第八章の我們的教堂…教堂佈置篇
在於某程度來說,小嘉絕對是一個有自虐傾向的人,籌備婚禮已經夠忙,但小嘉好像嫌自己唔夠煩唔夠忙,親自做了很多手工的東東for這個婚禮…教堂的佈置就是其中一樣喇!
小嘉一早就好想教堂的佈置自己親手造,直到confirm可以租用天恩堂,就開始落手落腳做喇!!!小嘉心目中的佈置想古典一點,又很喜歡有一些lace做陪襯,再加上小嘉之前上過一些手工藝的堂,學會用布做一些立體的花,於是小嘉就多次出入深水po去購買材料.
係價錢,款式同心目中的慨念互相爭持後,小嘉終於買了一些材料,係那段日子,小嘉每天放工不是剪布,就是縫花瓣,再唔係就係到用鐵線拗個花環…經過兩三個星期的努力,終於完成小嘉要做的步驟喇!!!之後就辛苦珍妮幫忙做善後工作!!!
除了教堂內的佈置,小嘉還做了兩幅十字繡佈置,介指枕等等都是自己有自唔在咁做出黎!
雖然小嘉做出來的佈置無那些佈置公司的美觀,但感覺就完全不一樣,因為每一針每一線都是小嘉自己親手做,所以無論出黎效果如何,小嘉都好喜歡哦!!!
不過講真,如果你要我而家再做過…唔…我無咁既心機同精神囉!因為我的注意力去左第二D地方啦!!!
P.S.之後還會出現出自小嘉手既襟花,花車佈置,回禮小禮物等等!
教堂正門...因為剛好聖誕月,所以有埋聖誕裝飾...靚上加靚呀!!!
這些做多了的裝飾...就放左桌上喇!!
這個是第一幅完成的繡繡...想睇詳細D...按呢度啦!!
呢幅真係超鍾意,無枉我遠從英國訂返黎,最緊要簡單,好快做好喇!!睇多D...呢度啦!!!
教堂門前的油畫...是必定要有啦!!!
妹妹送的貓貓...男的樣子...
女仔個樣...睇唔到對眼添!!
這個是什麼東東呢??就是在婚禮前,賓客都不能在紅地毯上行走,於是就用這個欄住,等D人唔可以進入紅地毯範圍喇!!
這個其實都OK靚架!!幅想唔夠近,因為...圓球裡面,同下面都吊天幾粒swarovski水晶架!!!
兩邊的佈置都是千辛萬苦自己做...不過,珍妮都出了不少力幫忙用衣車縫好的!!
呢個花環係小嘉嘔心作品,無論個lace花環,還是上面的立體花花,都是小嘉自己做的,其他裝飾,就是買現成再用熱膠槍貼上...而家這二十二個花環已成為yarei囊中物喇!!
來個側看...真的怎樣看,怎樣的漂亮!!!!
這隻熊bear bear係小嘉一針一針的做出來,這個套裝係去日本旅行時買,一點都不便宜(要二百多港幣呀!!),但真係好靚!男熊bear bear幅眼鏡是小嘉後加,有少少唔對稱添!!
P.S.後面靚靚羽毛筆是同我一樣咁美麗動人又細心0既以斯帖好姊妹比比借的哦!!(比比,我改左喇!!哈哈哈!!!)
來個大特寫...介指是穿在兩隻熊bear bear的手中!想知多一點點這對熊啤啤,可以看這裡哦!!
證婚桌上放了一個小花盆...好靚呀!!呢間花店真係無得彈呀!!詳情,遲D詳細講,總之正啦!!
婚禮第八章の我們的教堂
小嘉一直一直都很希望能夠在教堂行禮,在天父的愛中見證彼此的承諾,但是上進還未受浸,所以自己母會和很多教會都不能申請,還真有小小的遺憾…
既然如此,小嘉就狂上網看看有那些教會可以只有一方受浸就可以申請,最後發現有幾間教堂都可以,而其中給我感覺最好的便是信義會天恩堂喇!!!
其他教會多數都只讓新人於婚禮前六個月申請教堂,對於我這類什麼都想快一點確認的人是很難捱的…幸好,天恩堂可以讓新人於婚禮前十一個月就申請,於是小嘉一到日期,就親身將申請表交到教堂那裡…
在徬徨的等待中,小嘉終於收到天恩堂的電話接受我們的申請喇!!不過,我們原先的1sr choice是下午二點場的,可惜抽不到這個時間,所以要行下午四點場(當中還真有一大段故事,係第二度講過…唔想再提lu!),不過小嘉相信一切都有天父的帶領,雖然去大舞台的時間會遲D,但同時間我們有多些時間在教堂準備(因為最後二點場沒有人用=.=),所以無論司琴,詩班,司職員等等都能有足夠時間去準備和綵排,所以…好感恩哦!!!
另外,還要謝謝天恩堂的林小姐,基本上,每一個租用過天恩堂的人都會thx thx佢,因為 林 小姐超nice,遇到有關教堂上的事情,她都會盡力幫助,而且她還自製了一些裝飾,讓新借用(實在係,只要行禮的,她都預先放好,不用特別借的!)
天恩堂有兩層,由高處看...很宏偉哦!!
由正門march in,走過長長的紅地毯,兩旁的朋友都送上祝褔,好正呀!!!
My Lovely Home の Day 86 (23 June 2010) ... 就快落水泥??
呢幾日都落大兩,我們家的工程都有D影響,不過，噚晚上進打返屋企俾宇媽時,宇媽話聽木板師傅講,應該星期五落水泥,咁未即係聽日??!但係今日(24 June)都落好大雨喎!趕唔趕得切呀!Main point係…聽日落大雨落唔到水泥喎??上左天文台睇,佢話聽日有驟雨，雨勢有時頗大及有幾陣狂風雷暴,雖然之前問過師傅,話落住小小雨咁落水泥仲好,但聽日會唔會落好大雨架??
點都好,等陣上進打俾B君問清楚聽日係未落水泥,如果係,小嘉又要拎假喇!!好想快D睇下可以行上三樓呀!
2010/6/23
My Lovely Home の Decoration @ 23 June 2010 ... 發問問題!
星期六就傾室內設計…等小嘉將要問既東東記低先!
1) 浴室寶…記得要整呀!
2) 磚既顏色同質地要問清楚…第日去搵時易D…唔,第日係磚舖睇o岩要拎sample俾A小姐睇!
3) 唔知廚櫃設計係點…我要有緩衝鉸呀!!!唔係閂門pang pang聲,仲有,裡面D間隔係點呢??
4) 記得,會用富士皇NL-900V…都係帶埋個圖去先!
5) 廚櫃係咩材料呢?
6) 想廚房同廳既磚會唔同,open kitchen個邊個地下想用係紅紅橙橙既仿古磚,而廳個邊就由A小姐決定match佢idea既…唔知得唔得呢?
7) 同B君簽既Contract只係包基本裝修,即係油牆,鋪磚,包廚櫃,浴室硬件,如果A小姐有額外設計,要mark up之後問返B君.
8) 堅持每級樓梯個面都要係木板,唔要用磚/雲石等等!!!
9) 如果樓梯隔離想整D窗廉遮光,有咩suggestion呢?
10) 二樓去三樓個樓梯櫃…B君會唔會做埋,定係自己訂呢?
11) 二樓同三樓既quickstep揀咩款,樓級點襯呢?樓梯櫃要襯返喎!
12) 地下同二樓個企缸係點呢?想要無框款…感覺型D,空間大D咁!
13) 會唔會有裝飾櫃,上進話第日想買D水晶放係廳度懶靚咁!
14) 記得open kitchen同廳中間條柱,會有video door phone呀!
15) 按摩椅位置
16) 按摩浴缸…可能唔要喇!
問B君:
1) 廚櫃的無縫石轉Corian貴唔貴呢?
2) D門可唔可以全部用實芯呢??呢個係要問B君…
3) 二樓去三樓個樓梯櫃,如果要加錢幾多呢?
4) 三樓書房個樓梯底櫃…可唔可以搵B君做埋呢?
5) 問B君,如果我地係香港買磚,佢地會唔會幫忙follow up呢?
暫時小嘉諗到咁多問題…諗到就再加落去啦!
My Lovley Home の Day 84 (21 June 2010) 消防設備...
首先講返星期一,因為上進下午放假,所以佢終於有時間去打聽有關屋企消防設備既事情喇!!
講返前提先,係申請興建小型屋宇時,因為我們家沒有通道可以俾消防車直入,所以就要係屋企安裝消防設備,而係消防處提供的資料和消防顧問公司的回覆,因為我們家有中空的設計,所以除了要安裝煙霧感應器同消防喉…報價回來…好貴呀!!
於是,小嘉就問了一個剛好在地政做的師兄,究竟我們家是不是需要裝消防喉(這個最貴啦!),師兄很好,打電話問了消防,得出既結果…我們應該不用安裝消防喉,只要放滅火筒就可以了!這樣可以慳三四萬呀!!!
而另一方面,其實我們家外亦有一條通道,只是之前是比較窄,但過了幾年,已經擴濶了不少,於是上進再問問地政那邊,哦!他們說如果條路夠濶,可承受16噸重的車,而該路是存在很久(這個我們問了村長,是OK的!),那麼就可以當作有消防通道!
Yeah!!!星期六回去,因有村內的兄弟是做消防員的,先問問他覺得那條通道是否可以讓消防車進入,如果可以的話…那就可以同地政講喇!!萬一唔足夠消防車入,那麼我們就會遞交擺放滅火筒的圖則,如無意外應該無問題…最希望D通道OK啦!2010/6/22
婚禮第七章の我們的wedding photographer III
婚禮幕後功臣去到最後一篇喇!!每次一打開家裡的相簿,都回想當日情況...每次都覺得好感動,感恩...攝影師,弟兄,朋友都將婚禮每一刻,每一個感動拍下來...謝謝!
好喜歡這張相...感覺好自然呀!
快要march in 喇!!超緊張中!
聖誕月...相中多了好靚既聖誕樹燈光做背景!
詩班的一員...所以一直都一起練習詩歌...當天超感動呀!
影左好多幅切蛋糕相...不過我一啖都無得食...
大舞台真係好靚...不過好暗...所以呢幅相可以影到背面的情況,有影得小嘉靚靚,超正!
上進婆婆那邊的家人...
小嘉婆婆那邊的家人...
好似好有型的上進...
超興奮的上進...好在無爛牙!哈哈!!
呢幅係小嘉其中一幅超鍾意...不過我resize過,original版仲靚呀!!超細緻,D colour靚D!
婚禮第七章の我們的wedding photographer @ terry kwan II
不過…最厲害都係行禮時…教會還有一位弟兄講過想影教堂行禮的相,所以…加埋拍video,小嘉有成五個攝影師幫手哦!!!
無論march in, march out,簽證書,交換介指或是唱詩歌,小嘉同上進的一舉一動都有影落黎…真係好靚呀!!!!因為小嘉結婚時係聖誕月,所以教堂放左一棵聖誕樹…嘩!!所以有好幾幅真係無敵呀!!!
我們一去完honeymoon, terry就將準備好的相片交俾我地…真係影得好靚!因為小嘉喜歡睇住一幅一幅相多過係電腦睇,所以凡係覺得靚都晒出黎…咁樣就晒左成千蚊相=.=
而最近,孫大夫終於將D相執好交俾我,都一樣好靚…不過…仲未晒呀!!今次又唔知要晒幾多錢喇!
至於夜晚,因為大舞台的環境好暗,所以對攝影師黎講,要影得D相夠光又夠靚都有一定難度,幸好,影出黎都係好靚,其中有好多幅小嘉係超級喜歡,覺得好型,好想晒到大大幅放係屋企呀!
睇過唔同攝影師同朋友影既相,發現唔同人既觀點與角度真係可以差異很大,小嘉好感恩,因為天父安排了不同性格,不同方式的攝影師和弟兄給我,讓我有很多不同style的相!超開心!!!
呢篇俾D無樣相大家睇…下篇就要朋友先睇得喇!!
感恩天父的愛使我們滿有喜樂!
妹妹從台灣買給我地結婚貓貓!
我們的婚戒...
專心跟詩班一同讚美天父的小嘉!
好有feel的一幅相...
個長長的頭紗...真係超靚呀!!!
2010/6/21
Grace on Cross Stitch – angel proclamation @ 21.06.2010
呢個係今日lunch繡前的進度喇!!!已經見到右邊既男天使仔個樣喇,呢家努力緊佢頂帽,之後就個身同對翼…不過真係對個D毛毛繡線有D驚…希望唔好又kick住kick住咁啦!!!
好期待遲D繡既另外兩個女天使,因為佢地都拎住扎花,睇落去好sharp好靚呀!所以都想快D繡,不過…到時個進度肯定會好慢,因為佢好多唔同顏色,轉線都轉到傻lu!
終於見到天使仔個樣喇!!!
感覺終於離完成又邁向一步!
小天使仔全身照!
同場加影,妹妹係買俾我價值一英磅的盒仔!!
突然醒起,唔記得影下背面添...下次影返先得!!!
My Lovely Home の Decoration @ 21 June 2010
本來聽日就會傾室內設計既,但因為A小姐佢出差到臨時要去埋另一個City,所以呢家我地同埋P弟一齊係星期六先至傾喇!!
雖然係咁,但小嘉上星期都開始係個腦度諗諗有咩要留意/要問,突然醒起見過唔少blog友都會用掃口粉嚟掃廁所D磚,真係超靚.最最緊要係可以用埋閃粉..超bling bling呀!!
於是小嘉就send e-mail俾A小姐問佢意見…點知…A小姐話佢都知道掃口粉,因為小嘉同佢提話可以防霉咁,佢話其實用掃口粉防霉係好passive既,如果真係有需要,不如直接用防霉paint會仲好,而另外,佢未見過人用閃粉,但佢話如果成間用閃粉會好commercial look(但小嘉覺得好靚…)
但係我覺得掃口粉膠膠地的質地,感覺好似容易D清潔,同埋,我諗可能係e-mail始終無咁直接溝通,佢可能以為我純因為防霉先想用,但小嘉想個廁所同廚房D磚邊唔好用白色英泥…好似無咁靚咁…所以…星期六再問清楚D先!!!My Lovely Home の Day 82 -83 (19 - 20 June 2010)
本來T師傅話快的話可以星期六落水泥…不過,上進一早都估到實唔得啦!!!星期六返去一睇,剛剛完成P弟屋企個天花,所以實無可能會整得切啦!!!而且,噚日仲聽到T師傅講,因為P弟樓梯隔離條柱/樑,因為圖度無尺吋,所以呢家等緊回覆,如果覆左就可以好快搞掂…
星期日,木板師傅都仲係有返工,個天氣真係好炎熱,覺得D師傅都好辛苦,不過,佢地都話慣晒,有個師傅仲話其實可以唔使做,D仔女都出晒身,不過覺得留係屋企好悶,所以間唔中接下呢D工程做都好!
係呢日,D木板師傅爆左點解會轉左人喇!!!原來,D師傅(無記錯)圍一層樓旳木板好似有某個定左的人工,唔理你做幾多日,總之一層層計啦!!咁樣,當然越簡單越快做完既就可以快D接第二個盆賺錢啦!!
但係,因為我們家的設計比較複雜,所以圍木板的難度都高左,而相對要用既時間都長左,所以之前個師傅覺得唔抵做,就用藉口話接左第二個盆做唔切,所以唔做喇!!!
感恩,新呢班師傅都好好,係真係用心做既!!其實之前個師傅,我都曾經係blog度話覺得佢怪怪地,成日話我地個設計有問題,又成日話自己人工少,唔似扎鐵的那麼多…所以,呢家都好感恩,因為新呢批師傅,都同我地有傾有講,而且都用心做…噚日星期日都做到六點幾先走…好辛苦哦!!!
另外,原先暫定同A小姐聽日見,傾interior design的,但係因為佢要去外國做野,最後都係返唔切嚟,所以改了星期六同埋P弟一次過傾喇!
到時,應讓都有好多野要傾…好似用咩磚,浴室係點樣,間屋外牆既玻璃,樓梯,傢俬等等都要傾…
由高空影落嚟...好似謎宮!
呢個就係廁所既窗喇!!!
呢幅牆係二樓無露台間房...有個窗仔...
係星期六都仲見到呢塊牆既鋼筋...星期日返去就遮晒喇!!
太多相...星期日個D,下篇貼!
2010/6/18
My Lovely Home の Decoration @ 18 June 2010
裝修の最初
話咁快…屋仔終於落左第一層的水泥,估計明天/下星期一二,就會落第二層樓的水泥喇!!好期待!!
而當興建工程如火如荼的趕工時,我們家的室內設計和裝修都要開始進行喇!!
感謝天父,因為F君 和A 小姐設計好我們家的屋仔後,更為我們做室內設計!前幾日,A小姐通知我們,她會在這星期內完成我們和P弟家的interior design,暫 時A 小姐約了小嘉和上進於下星期二晚,到她的office看看設計及互相交換意見,所以這幾天,上進都忍不住說想快一點到星期二哦!!!
小嘉有什麼要準備呢??不知道哦!不過相信,meeting完後,小嘉和上進將有排忙喇!因為我們要開始看磚,看浴室用品,看傢俬,看燈飾…總之有好多野要睇啦!
還有哦!上次到B君公司時,已知道A小姐跟B君公司的一個木工設計師(J先生)商討浴室和廚櫃的設計.而且B君J先生會設計得好靚,因為A小姐要求好高,所以J先生都要出盡力去畫設計圖…所以小嘉都好想快D見到呢D圖呀!!!
唔知…時間可唔可以行快少少呢?Grace on Cross Stitch - angel proclamation @ 14.06.2010
繡多兩日…有返少少唔同喇!!!可以見返隻腳仔唔係咁無啦啦出現!!!呢度主要都係coffee色的繡線…,不過講返,呢幅作品黎講,小嘉最怕係用冷線黎繡,但係偏偏要用好多,總之隻隻天使翼都會用到,隻冷靚就靚,但係用過幾次後,發現要剪到短短咁用,就算眼見一大個範圍係用呢隻線,小嘉都只係剪30cm長度左右黎用,因為佢好易,超易將D毛毛磨甩晒係前段…去到尾尾時,就得返D好幼的線,而D毛毛就無晒,搞到隻天使翼有D地方毛毛好豐滿,有D地方就好似甩毛咁=.=
而另一個怕怕位,就係繡mill hill beads喇!其實唔難繡,但最怕係一連幾排都每個格要繡一粒,因為其實粒bead的size係俾個繡格大,如果隔住隔住咁繡就好咩事,但如果個個格都繡,佢地就會自己迫到有D上下排咁...好在,多數都係隔住咁用,係少數有D位會連住.
見到少少腳仔上面...
近睇會清楚D...
黎過全身照....
其實呢幾日進度良好...開始繡緊塊面仔喇!!下次pose應該會多D野睇喇!!!
訂閱：
文章 (Atom)