妹妹背心外套的進度…
原先是cardigan的,但後來發現訂唔夠冷,所以索性將外套變成背心,是但啦,呢家咁樣,夏天都一樣著得!
突飛猛度…
前晚小嘉條腸又唔生性,成晚抽住抽住咁痛,搞到成晚無訓咁濟,所以噚日朝早上進起身時,我就矇矇矓矓咁同佢講,成日肚痛無訓過要睇醫生,於是小嘉係朝早九點幾就落街,醫生俾左一日S/L我,返到屋企,食藥再食少少餅干,其實個人唔夠訓,個頭仲係痛,但係又訓唔返,於是拎埋張被,癱係張梳化度抖下織下又睇下電視...於是,妹妹仔衫仔進度十分良好,相信今個星期內可以完成到喇!
開始前幅喇!!!
織好晒前後幅,呢家可以將佢地縫埋一齊,呢個縫縫方法,如果前後幅都係平針的話,就會好似無分開縫過咁...
睇下!!係咪可以入一次過織晒咁呢!!不過,我邊位仍然唔係好靚...不過小嘉又縫又拆左好幾次先有呢個效果,算係咁啦!!!
縫好兩邊的前後幅,成件衫仔的外型出晒黎!!!不過可能用的針粗,所以成件衫都好軟,D邊位仲鬈起晒添...
好喇!縫完膊頭位,就可以縫側面喇!!!
縫好晒成件衫仔,可以開始織腳喇!!!
個腳都織好喇!!都係咁...D冷太軟,而又織平針,所以D邊位鬈起晒,呢個令我有D唔滿意...不過無辦法,唔夠冷唔可以用太幼的針,不過軟D舒服D,無所謂啦!!!
由另一個角度睇睇先!!!呢家織緊個領位,之後再有一個小小的圍邊,希望到時D邊位無咁鬈,會睇得返成件衫咁啦!!!
沒有留言:
張貼留言