由於係星期五時已知星期六即無咩特別工程會做,因為問過T 師傅B 君仲未出到P弟間屋仔的G/F牆的圖,而我們家的柱位圖也未出所以小嘉疊埋心水,這天直踩出灣仔會合上進啦!
三個目標~
今次去灣仔,主要有兩個目標東東要看看啦!呢篇就講左…抽油煙機!
什麼牌子好呢??Whirlpool??
其實一直都未諗到用什麼牌子好啦!最早期行開times square的Fortress時,看到有成個whirlpool的kitchen showroom,個時見到個抽油煙機好型好靚仔,上進即刻話要呢D款(即係歐陸款).返到公司問過有經驗的同事,都話whirlpool的抽油煙機都OK.
富士皇??!
點知,係綱上搵資料時,見到話富士皇超正,又靜抽力又強,而且係唔知邊期的選擇比較抽油煙機的第一位.於是即刻上綱搵,唔...一睇D款就知上進必叮走,其實佢有D款超靚(不過應該好貴,呢個牌子好似話幾貴咁),不過可惜,係香港的代理只有D比較”傳統”的款式…一俾上進睇…即ban.唉~好煩,因為我們家是open kitchen,所以上進一定要揀D靚仔,但係common sense都知一定要揀D抽力勁,唔係第日成個廳都油立立,我就死俾佢睇啦!
German Pool??!
於是繼續上綱搵資料,見到都有D人話german pool的龍捲風系列勁,於是即上佢個網到睇,唔...個款都OK既,其實german pool有超型仔的歐陸款,可惜佢無龍捲風,所以抽力一般.俾上進睇,佢都係麻麻地咁…不過,決定先到陳列室look look先!
灣仔陳列室….
嘩!行到我成隻貓咁終於搵到德國寶喇!!咦??!其實個款睇落都OK喎!不過原先係想成個抽油煙係好型咁放係個爐上面,不過呢家個款係條煙通同普通機一樣要埋係廚櫃入面,不過抽力強個樣又OK,算啦!!!我地無好似其他網上面D人咁用張紙巾去試吸唔吸得起,不過,就唔太靜咁啦!!希望到時唔會超嘈咁影響個客廳啦!!
暫時看中的德國寶...就是這款喇!
不過…
打呢扁blog時,都係決定再去睇富士皇的實物…話唔定好靚呢!
富士皇真係好好嫁, 不過就真係貴, 同埋有啲款唔咪詁好靚仔囉.
回覆刪除但都係果句, 唔好買惠而浦. 我都有用過, 真係好唔得. 好快就壞.
[版主回覆05/10/2010 14:42:00]我都見好多人話富士皇好,所以都會用佢喇!!不過揀靚款就真係好貴..所以唯有其他地方慳返D啦!!!!
我原先有諗過用惠而蒲,因為個外型好似幾靚咁...但係,見好多人都話麻麻地咁...所以唔會考慮喇!!!!!
係囉, 你用open kitchen, 我會買部貴啲的油油煙機, 要慳真係慳番第二度好過呀. 叻叻呀你...
回覆刪除[版主回覆05/11/2010 10:40:00]
因為當我諗到,如果買部差少少的,煮完飯,成間個廳都係油時....我諗我情願俾多D,都唔想做餐死咁整返乾淨個地方~~~
其他無咁重要的,未等再儲到錢先再買囉!!!