繼續既開心又痛苦之旅
上回講到小嘉獨戰駱克道,都算有返少少收獲,但這個旅程並未完結喎!完成左最後roca一站,小嘉直踩落銅鑼灣(係真係直踩,自己行過去...腳都差D跛啦!)而今次主要需要比較的目標有...雪櫃,電磁爐,洗衣機,抽油煙機...不過,由於Germanpool個Showroom八點就關門,所以,抽油煙機要遲D再睇!
電磁爐@Sogo Panasonic Showroom
其實經過多日係網上面搵的資料,so far心水都係Panasonic喇!因為見D人話買都建議買樂聲,而且唔多覺有人講過佢有咩唔好處(反而其他牌子都有D用家話成日壞).
我地睇中呢款,KY-E227B,但係我地想要銀色,金色有D娘.
去現場睇,佢都係show個同型號的黑色款,上進睇完,都係個句...唔,個款唔係好靚喎!網上面真係話呢個牌子最好呀...咁有無其他款都OK呀?真係比佢激死喇!其他牌子有讚有彈,係樂聲我暫時只見讚,無人彈.
黑色款同金銀色的分別係,黑色佢可以去到2600w,但係我地打算買的銀色,就可以去到3000w.不過我細心睇過catalog,見佢話3000w係用黎煲水...唔明,今日去多次再問清楚先!
電磁爐@Fortress
之後再係豐澤行行下,叫到電磁爐都去睇下,佢有個工作人員係度做緊promote.行埋去睇先知個promoter係Goodway既,佢sell佢最新型號有兩條20A 電線,咁樣兩個爐頭可以同時用盡w數.
其他牌子,好似樂聲咁,佢都係一條20A 電線,所以如果一個爐頭開,可以用盡3000w,但當另一個爐頭都開埋,咁佢就減低用緊個爐頭的火力.係咁既情況下,咁煮飯時,可以同時好勁咁兩邊煮菜啦!
Conclusion
雖然威馬好似好好咁,但係佢產地始終係大陸,而且我都唔見得會功力倍增到可以同時用盡兩個爐頭去煮飯,所以係自己afford到的情況下,我暫時都係揀Panasonic喇!對唔住喇...家燕媽媽!!!
係呀係呀, 如果選擇電磁爐, 一定要買樂聲呀, 因為朋友用咗, 話好好, 其他品牌唔好呀. 你的選擇係啱的.
回覆刪除[版主回覆05/10/2010 14:51:00]有D有經驗的朋友講返就最好喇!!!!
其實我無辦法一定要用無火...我係網到搵到一D資料,原來屋企個廚房無一D牆(可以隔火唔知一個定半個鐘)同埋無防火門,係唔可以用明火架...(即係有咩事,可能保險公司唔賠火險咁囉!!!)
所以我一定要用電磁爐,咁呢類電器都係要安全同耐用D,所以緊係要買好D的牌子啦!!!