我的盟友!
咁係三月幫襯craftmax當然唔係只買左clover針同cosmo繡花線咁少野啦!仲有毛冷同埋勾針呢!!
ハマナカ勾針
因為我打算勾D披肩仔俾團契的姊妹,而睇中的款都係日本書裡面(外國個D好老土=.=’),但係問題就出現喇!香港用開買開都係AERO呢個牌子的針,但係佢唔知係歐洲定英/美的size,但日本針號唔同…好似英/美2mm,日本會係2.1mm,咁所以都要買日本針黎用。我見D日本編織書都係用呢個牌子的勾針,我估佢係好野掛?!係香港呢隻針可以賣到六七十蚊一支,但係呢度計返港幣連稅都係四十幾蚊...於是乎買左兩個size喇!
黃色呢支就係喇!!!另外一支係橙色,開左黎用lu!!
Exceed Wool
本身日本編織書唔係呢個牌子的冷,但係craftmax個網無書上面的冷,於是就要自己睇毛冷粗幼,顏色去買,so far,隻冷又真係幾柔軟喎!淡橙色都好靚…舊冷幾錢都唔記得喇!
咋,計返港幣都五蚊左右…平成半,所以小嘉一口氣就買了106扎,咁計落就平左成五十幾蚊啦!!! 不過超可惡,係小嘉買完拎左貨 一兩 日後,佢竟然做sale…58yen一扎…泵心口呀!!!
Paume
呢個冷,買得真係有D汗顏...因為其實無特別野要織,但係就好鍾意呢個冷,見個樣好似好靚咁,而且網上面D人都話呢隻冷係香港買好貴,要好幾十蚊一個…於是,小嘉就左搵右搵,終於俾我搵到一張勾的被仔好靚,又可以用呢隻冷,於是小嘉買定for第日自己BB用…佢係個網賣港幣$28一個,超抵呀!!!!所以一口氣買左十五個…不過25g,超細粒,不過好cute!!
下面粉橙色的係Exceed Wool的毛冷,而上面細細個,超kawaii就係Paume喇!!!
沒有留言:
張貼留言