又再回歸抽油煙機喇!!!!
再比較的起始...
其實小嘉同上進係星期六那天,都到過灣仔的德國寶陳列室,看過後都已經confirmed用M28P457型號的機,因為係網上見D人講龍捲風系列真係好抽得,而揀呢個型號全因為佢係呢個系列裡面,算係最靚的一款,不過佢係個喉要放入廚櫃入面的款,而上進本身想要可以露喉,好似好型個D咁!不過,小嘉同佢講明,我地個open kitchen真係open到不得了,如果抽油煙機唔得,就成個飯廳同客廳都會油立立啦!於是我地就揀左佢喇!
唔知點算好...
雖然confirmed用呢個牌子,但係小嘉都再上網望望,D人都話佢抽力得,但係會好嘈咁!小嘉就進入dilemma的景況,因為如果好嘈,咁個客廳部電視咪可能要開好大聲.小嘉再回想當日開著佢部機時,都真係覺得好嘈…點算呢??
再搵搵,再諗諗
小嘉係呢日約左上進六點係銅鑼灣等,於是小嘉襯仲有時間,就再上網望望,始終都發現綱友大讚富士皇又抽得又靜.其實小嘉之前心目中都係想揀呢個牌子(雖然完全未睇過=.=’),但係上進曾經一見到個款就話超老土,唔鍾意.
唉!其實呢個牌子有D超有型的款,不過唔知點解香港無代理到,我估可能真係太貴啦!但係,佢斜面設計都OK哎!係德國寶陳列室都見到類似款,而且要成萬蚊,但係ecox見佢都係三四千蚊,於是小嘉同上進再一輪溝通後,決定去一次富士皇showroom看個究竟!
睇到實物喇!
我地兩個幾經辛苦,終於搵到呢間叫家居樂的東東,佢係總代理,上到去個sales 姐姐超詳細咁解釋比我地聽,嘩!佢開著機真係好靜呀!
詳細解釋!
我地之前去其他地方都無咁詳細講解唔同牌子的機,但富士皇呢個姐姐真係好詳細,佢都講返其實其他抽油煙機都一樣係抽力可以好強,但係佢地的設計只可以集中係爐的中心位置才抽得勁,但係煮菜時D煙係四方咁散開,所以縱使抽力再強,廚房四周都一樣會油立立.
現場不範
姐姐仔開左佢其中一部機做示範,佢部機同其他牌子好唔且,佢有一塊板係個爐到,呢塊板原來係專利設計,有左佢,D煙唔知點解會有四方八面咁抽入去個機到!佢再示範除左塊板,咦!!!部機真係只可以集中係爐中間抽走油煙!!
補充:小嘉之後上網睇返D綱上評語,真係只有讚沒有彈,唯一彈就係價錢貴,呢個一陣再講!仲有個人將佢安裝後使用的短片放係youtube,嘩!佢將一個煲緊野的煲放係個抽油煙機隔離(即係離開部機的範圍),未開機前真係見到D煙係垂直咁向上升!但係部機一開,就見到D煙俾抽左去抽油煙機度!真係好勁,而且真係唔嘈喎!
上進意見...
雖然部機好好,但係上進真係好唔喜歡佢地個外型設計,咁點算呢?再望望,咦???!佢有歐洲式的機喎!sales姐姐話係新到香港,佢總供有三款,一個係直接富士皇,另兩部就係同廠出的另一高價牌子,呢兩部真係超靚!不過價錢仲靚...過萬蚊一部,點都揀唔落手!
而富士皇呢部歐式機,sales姐姐話抽力比傳統款式再勁D,其他款可能要一個至兩個洗一次個過濾網,但呢部可以兩年先洗!而佢個款都係上進喜歡個類型,個煙囟可以外露.Sales姐姐見我地好喜歡,再加上佢知我地係open kitchen,就仲俾少少意見話如果裝呢部機,係部機上面再造兩盞燈射落機頂會超靚!嘩!我都覺得呀!
最終情況...下篇講!
沒有留言:
張貼留言