首次參觀磁磚王
噚日上進可以早放工,佢因為要去東東唔知俾D咩個consultant簽,所以無啦啦打電話,話去磁磚王度睇睇!但係磁磚王唔係就咁行上去就可以睇架!要make appointment,所以都唔知有無得睇啦!
Appointment
小嘉於是係四點幾的時間打去磁磚王,我問佢地幾點收工,原來七點鐘,不過佢話今日有sales係度,所以都OK!(咁即係如果無sales係度,咁我地就去唔到喇!)咁呢個哥哥都問我地係邊間公司,點樣知道有佢地呢間舖,我就直接話佢知其實我地起緊村屋,係承建商介紹我地去睇,於是呢個哥哥就問係邊間承建商,呵呵!我只係知B君個英文名,唔知佢公司名喎!所以我都答唔到,咁磁磚王都話OK,去到再傾!
去到喇!
其實佢地係灣仔呢間showroom唔算大,但都大約可以睇到唔同房間的磚!唔...其實一般的磚好似用黎舖廚房的都係within contract內個價錢,但係如果特別D就會貴D啦!
雕刻磚
佢地有D好特別的雕刻磚,如果係佢地Standard左的款,都要$40一尺(無記錯),如果想tailor madey就可以好貴喇!普通款的要幾百蚊一尺,如果直情雕幅相,咁就要$8XX一尺,嘩!都OK貴,不過如果係做theme的話,都OK既!
我地睇完D磚,就入左間房,佢地show返之前的job的相,原來同佢地買磚好得意,舉例,做一個30-40尺的toilet,如果無特別的磚要用,咁佢地收$8000蚊一間,咁佢地會做咩呢??佢地會設計D磚的設計,好似大小不一的擺法,做D唔同的圖案等等,咁佢會做三次design,最後confirm的圖,會俾個客一張同師傅一張!
我地...
其實我地會將間屋俾晒A小姐做interior design,所以會唔會用到佢地呢類的設計都唔知,不過上進講返話其實B君都係叫我地去揀同買料,都無話過係要埋design,所以...到時先算啦!!!
P.S.原來B君同間舖都幾熟,唔知第日買磚會唔會平D呢??
沒有留言:
張貼留言