清明節這天真的很充實啦!我們掃完墓,看完燈飾,再訂埋quickstep後,和P弟兩公婆再去豐澤看看電器,因為他們都要看看會否有比較特別的喜好,需要A小姐立刻更改電線圖,看完後他們心裡都確定了好幾款電器的牌子和型號.
第一次去地舖望...
因為P弟家打算用明火煮食,所以我地都去了一間專賣抽油煙機和煮食爐的店看看.為何會揀這間店看呢?因為上進家姐識得舖裡的人,所以會有discount,其實我地去睇燈飾前都有去望望,因為都想問問佢地有沒有太陽能電熱水爐.
太陽能熱水爐的建議??
其實之前上進家姐幫我地問過太陽能熱水爐的資料,但入到舖個姐姐就建議我地唔好用,佢話一來安裝費好貴(呢個係事實...安裝個爐盛惠$5000大元!!!),而且香港的太陽能爐唔似歐洲會追蹤太陽位置,另外佢又話唔夠太陽都要用電,佢話用氣體爐計番一年都用唔到二千幾蚊,所以話太陽能唔抵用咁話.
係咪真係咁唔好呢?
我地第一次離開舖時,小嘉同上進都有一個感覺,就係呢個姐姐好唔想我地裝太陽能,唔...我地都覺得佢想我地裝普通爐,我諗如果我地裝太陽能,佢就真係無咩錢賺(點解咁講,等陣解說!)
我們的看法
首先佢用氣體爐黎同太陽能用電比較,佢話如果無太陽時,咁太陽能的電費就會好貴...但係,我地兩間屋仔都唔會裝氣體爐(我地村屋無媒氣o架!!)而普通儲水式(最慳電)的熱水爐大約用電係3-4kw,如果即熱就要去到18-27kw,而太陽能熱水爐就係4.8kw.佢未至於係最慳電,但係佢唔係成日要用電喎,只係唔夠熱時先要,如果我地本身set個溫度係45度,咁就可能大多數時間夠熱力煲水啦!
其次,姐姐的講法好似香港一年365日都無太陽咁,但係我去機電處睇過,除左2月外,其他所有月份的太陽輻照量都有10以上(其實唔知係咩??!),EMSD做過研究,表明太陽能熱水系統可以在係香港有效運行以大量節約能源!
還有,我們打算裝一個較大的水缸,而我們家人比較少,那麼相對要用電再令水受熱的機會比較少,因為太陽能熱水爐的運作是當我們set了一個溫度,約水溫低過那個溫度的5度左右,才會開始用電力煲水,所以我們需然要用水沖涼,但可能用的水量未至於令水溫大幅度下跌,那麼根本不會用到很多電啦!
最後,EMSD那邊也有說,用太陽能熱水爐可以說貴,也可以說不貴,因為一開始要用的錢比較多,但係當電費那邊慳返黎的足以填補這筆錢,那麼...之後的費用可以說是零!!(P.S.我們不用太陽能也要買三個即熱爐...價錢也不過比太陽能平幾千...那麼,幾年就可以回本啦!)
所以...
我們仍會裝太陽能熱水爐,不過和A小姐討論時,佢比較擔心香港有無人用,係咪可行,唔...其實我應該attach埋EMSD個網俾佢睇,香港呢家都好多人用...而且EMSD介紹時,其中一幅相用的熱水爐,正正是我們看中的牌子哦!!!
另外...
頭先提過,點解覺得呢間舖我唔太會幫襯呢(其實呢間舖無問題,不過...雖然有熟人,但都唔見得有平囉!)
首先,小嘉同上進覺得,佢應該賣太陽能熱水爐的話會無錢賺,因為佢開的價錢係被動的,事關上進家姐之前問了一個開電器舖的朋友,佢預先報了一個價,變相呢間舖都唔可以開得高(佢知人地個價),相反,如果我地買普通熱水爐,一買買六個...佢梗係賺到笑啦!
第二,我地睇完豐澤後再去佢到睇P弟的抽油煙機同氣體爐...問佢價錢,佢只係俾左個普通price,問佢有無折,佢話梗係有,但就無講到幾錢...但好醒的小嘉回家即上格價網望望價錢比較...我相信佢開$2200,點平都唔會俾好多折啦!但係格價網show出黎已經$1980...我估佢平極都唔會平到$300掛??!
另外,佢原來都可以代買panasonic等牌子的電器,但係佢話佢都係由大行度訂,所以都只可以俾到出面價錢的9折...佢所講的出面價當然係陳列室同豐澤個D啦!舉例,我睇中的雪櫃陳列要$8800..佢9折都差不多八千...但係,我已經知有D舖賣$6300咋!!!
所以我諗我唔幫襯佢多,不過,都可以一試報價,比較下都好哎!
沒有留言:
張貼留言